الحمدلله يانا رمضان شهر الخير والبركة وبدت شغلتي في التسحر قبل الأذان عشان اقعد العالم حق السحور والصلاة، بس صارت مشكلة في هالزمن، شباب هاليومين ما يرقدون!ماطلعت من البيت الا الشباب ينتظروني ويا السماعات والميكرفونات! الله يرحم ايام اول يوم اطلع بروحي وكل ما مريت داعوس الا وتبطل الليت ونزل احد من البيت يمشي ويسحر وياي.ايام اول كنا نتسحر تمر وماي وخبز وجبن اذا بقى شي من الفطور ينزل على السفرة، بس احين العالم كلها تتسحر من هالمطاعم وياكلون في هالبرجر والشوارما تالي الفجر ويشربون وياه هالبيبسي اللي ما منه فايدة، وتالي حزة العصر يقولك يوعان، يعني ماكل شوارما ما تبيت يوع مثلاً؟