أهدى الفنان الأردني رامي خليل أحدث أغنياته "فيروز” إلى السيدة فيروز. تقول كلمات الأغنية "مل القمر نادى مع النجمات.. عم ننطرك فيروز شو اشتقنا/ تشرق معاكي الشمس غنيات.. حلو بقى هالليل فرقنا/ كل ما تفيق الشمس.. وتغزل ما بين الشجر خيطان/ وعصفورة تحكي بهمس.. مع عصفور متعربش على الحيطان/ ويتلصلص الياسمين تايسمع.. صوتك صلاة من شرفة الجيران/ وختيار علعيرزال عم يقشع.. حسون من صوتك وقف حيران/ فيروز بدنا نصبحك بالخير.. فيروز بدنا نصبحك بالخير. يا صوت من قلب السما ويا ضي.. ما في صباح بهالدني لو راح/ واللي ما سمعك ما سما وشو خطي.. ولا بفية خيالك لحق وارتاح/ ما في صباح بهالدني.. الا ندى صوتك معو فيروز/ ما في صباح بهالدني.. الا بصوتك نسمعو فيروز. قديش صبحتي علينا كتير.. وقديش غنينا معك بكير/ يا صوت يا أرزة وجبل ظلك.. رح انحني قدامك وقلك/ فيروز بدي صبحك بالخير.. فيروز بدنا نصبحك بالخير”.الأغنية؛ فكرة ورؤية حازم العساف، نص مهدي الشيخ، ألحان مهدي الشيخ وحازم العساف، توزيع ناصر الأسعد.