نشر الفنان رامي صبري، صورة له من ترتيب إحدى منصات استماع الموسيقى عبر حسابه الشخصى بموقع إنستجرام، والتى ظهر فيها ترتيبه فى المركز الثانى بعد الهضبة عمرو دياب، وقبل النجم تامر حسنى، وكتب "رامى صبرى رقم 2 فى الـ"Arabic Artists Top"، وTop Egyptian Pop Artists"".
وفي وقت سابق، انتقد مطرب الراب ويجز، تصريحات رامي صبري بعد ظهوره في أحد البرامج التليفزيونية، ورد على سؤال المذيعة حول رأيه في أغاني المهرجانات والراب، فقال صبري إنه لا يفهم كلماتها وخاصة أغاني "ويجز"، موضحًا: "أنا مش بفهم كلامه ولحد دلوقتي مش بفهم، والشباب دي ناجحة من أول ما نزلوا، ولازم الناس تسمع أجيال تانية من الموسيقى".
و حرص مطرب الراب "ويجز" على الرد عبر ستوري على حسابه في إنستجرام، موجهًا كلامه إلى رامي صبري، حيث قال: "هتكلم عن فنان فاكر إن عنده صلاحية يتكلم عن أي حد والناس تسمع وتسكت، الفنان ده اسمه رامي، وكل ما يقعد 4 أو 5 شهور يزهق يطلع يتكلم عن بتوع الراب والهيب هوب. هتتكلم إمتى على فنك ومجالك وبتوع البوب اللى أنت منهم؟".
وأضاف ويجز في الفيديو: "أنت ما تفهمش في الراب حاجة زي ما قولت قبل كده، فمش هتعرف تعمله. لو لقيت واحد بيعرف يسوق عجلة وأنا مش بعرف فهحترمه، لو حد بيعمل حاجة وأنا مش بعرف أعملها هحترمه. أنت مش بتقدر الفنانين دول، أنت شايفهم إنهم عاوزين يوصلوا لليفل أنت فيه، في حين أنهم معدينك. أنت مش رقم 2 يا رامي، أنت رقم 19، بعيد أوي بجد".