يا يوسفيا بن ثاني يا موجه من الطيب اللي عاشر لهجة الإحساس يا وردة محبه في فضا الحورهيا قلب اخضر مثل لون الفرح في ضحكة الأعراس كنت الصوت حاضر في مجالسنا يحسسنا بان الحي وين ما يروح يقدر يزرع الشوق الطري والرازجي و يا الياس وان اللي يحب نفسه من عيونه يفيض الحب حق الناس يا المريخي مشينا في فضا الحوره حلم كل طير ويا الطير دوّرنا من الدفنه على كل خير وكنت تقول: نعم .. لا باس ترى هالدنيا تتغير وما في صغير ما اكبر وما شي يتغبا وكل شي في الجدر يطلعه الملاس تروح انته ونبقى إحنا وين ما نمر نتذكر سوالفنا ونتذكر صدى الرحلات في ليل البحر والبر تروح انته يا بن ثاني ويبقى اسمك مثل شمعه على ضوها عبرنا سنين ويا سنين وحاولنا نؤدي الدور هالمكتوب على حيوحاولنا نكون إحنا مثل ما إحنا وإلا نكون تحت شمس الظهاري في يا المريخي تروح انته ونبقي إحنا سما مفتوحه في الأيام حق كل شي لأنك عاشق الحوره وواحد من بنى فوق البحر حبها وحط حق اللي إحنانعيشه هذا اليوم اقوى ساس وانته تغادر الدنيا وتتركها لنا هوىتتنفسه الانفاس باذن الله لك الرحمه ولك الجنهولكل اهلك واحبابك وخلانك ولكل الناس محبتنا اللي ما تنقاس شعر: علي الشرقاوي