علي الشرقاوي البحرين أرض النور فيها الطيب مثل انجوم قبل النوم ترقص في لياليناواسمها كل مكان نروحنلاقيه مثل الروح يسبق بالهوى أجمل أسامينا والبحرين نهر الخير هاللي يسكن الآفاق ينبع من خواصر كل أراضينا لها شكل الجسد صوب السما ناظر سبع ألوانفي كل لون تلقى دفة الميزان تتساوى ولا يقدر أحد ينكر بلاغة وقفة الطيبين في معنى الوفا اللي يترك البلدان ويجينا والبحرين لها طبع النخل يعطي الثمر من قال شمروخ النخل وقت العطافرق ما بين انسان ويا انسان البحرين حاضرها أمل يشرب عسل من شوق ماضينا وأي دستور يملك حب يتعلم سوالفنا ويصعد في ابتسامة حاج شايل ريحة الكعبة ويفتر في دوارفنا ويلعب دامه في أبعد في قهاوينا البحرين من يوم أحمد الفاتح وهي درهعربها احرار يسكنون في ديرة عشق حرة مشت طول العمر تحمل محاملها وتتحمل سفر للهند ويا الصين في البتيل أو في البوم ولا يهمها نعيب البوم ولما نصوم أي سحة تمر وقطيرة من اعذب زلال الماي تكفينا البحرين أرض الخير ما بات الطفل فيها أبد ليله يعضه الجوع ولا يوم انكسر حبها ولا فيها أبد شايب يبات ليله على سيف القهر مفجوع سهمها بالعدل والله فوق سابع سما مرفوع البحرين من يوم احتضنها الشيخ عيسى بن عليونوّرها بروحه بندى قلبه وسقاها من نبع حبه وهي تنعم عمر بنعمة استقرار وصارت للكواكب والأمم أجمل محطه ودار البحرين رب الكون يحميها وكل عزتها بقوة أهاليها هاللي كانوا ويظلون في بحور الزمن مينا البحرين ما هي أرض هي جنة أهالي الأرض هي أرض الخلود اللي لها شكل المحبة في الفضا تمشي على ريلين هي عينٍ سقت طول الحياه كل عين ما تعبد سوى ربها وما تشبه سوى حبها وأشك في يوم تتخلى عن انخيل الوفا والطيب وأشك شمس العدل فيها ثواني تغيب البحرين هي أمي وابوي وأهلي وفرحة بيتي باعيالي البحرين هي معناي لو ياها ألم يالي لاجلها والله ما ابالي بسفن قيصر ولا كسرى وأي واحد يلامس أي ظفر منها ومهما كان في قوة ترى بقوة شعبنا والله لاكسره وفي أكبر مزابل تربة التاريخ احشره البحرين هي معناي وسري مندفن فيها أنا عشت العمر يومية ازرعها وابنيها وبقلبي وبروحي وبعمري انا افديها نخلها جذره في صدري وسواحلها غناوي شالها اي نهام وطرّزها بعطر عمري وحمد هاللي على نوره اشتعلنا بخطوة الميثاق وخلانا مثل طير السعد نوصل الآفاق يبقى في الحشا طول العمر مثل الهوا فينا وباحلامه وافعاله يجمعنا وبالخيرات في أعراس الوطن يومية يروينا البحرين يا اللي ما درى شنهي معانيها البحرين كل الكون يبدا من هواها اللي بليا حدود ويتمنى يشم الفرحة في نسمة أراضيها البحرين كل الدنيا تتبعها وتسمعها وتسمعنا البحرين قوتها بصبر وحدة أهالينا من اللي يقدر يفرق هوى الواحد عن الثاني هوى البحرين في زحمة مشاعرنا مثل أي دين من يقدر يزيح القلب عن دينه؟