والله وصارت البحرين وأجواؤها وملاعبها ومنشآتها مكاناً ملائماً لإقامة معسكرات المنتخبات الكروية .. كل يوم نشوف منتخباً من المنتخبات المتواضعة على مستوى القارة مسوٍ له معسكر في البحرين .. بس السالفة يا جماعة بأن هذه المعسكرات مدفوعة الأجر بالكامل .. وطبعاً إحنا البحرينيين معروفين بكرم الضيافة وحُسن الاستقبال .. وعشان جذي معسكرات هالمنتخبات تطلع عليهم «فري أوف جارج» .. ويا بختهم هالمنتخبات والاتحادات الآسيوية .. ولكن ما نقول إلا هاردلكم يا أنديتنا الوطنية .. الله لكم .. رسايل رايحة حق المؤسسة وياية من المؤسسة .. يدورون جم ربية يسوون فيها معسكر حتى لو في الخبر يومين ولا أحد معبرهم أو ماعطهم ويه .. صدق المثل اللي قال «عذاري تسقي البعيد» والتكملة عندكم يا مسؤولي الرياضة!!