{{ article.article_title }}

لأمطرت مزن المشاعر على قاع الطعين وأزهرت يبس الحنايا بعد طول المحل والعصافير اترادد عقب سجن وونين في غصون الصدر والجوف ماليه النفل واسفهلت روح من فاقد(ن) حب وحنين بعد وعر الدرب يا صاحبي بان السهل هبت رياح القدر عكس خطوات السنين عكس ما يخفي لي الحاسد اللي ما وصل كنت أحسب الصبر ثوب(ن) ويلبسه الحزين لين شفت الصبر ترياق لا زاد الجهل يذرف الصبح المدامع وفى للعاشقين والمسا من عام ما شافته عين احتفل ذبت يا شمع الهقاوي وأنا آحسبك عوين وأنت تدري عتمة الليل ما تاوي أجل من يفد الدرب وأحلامنا كنرن دفين؟؟ والأماني طيفها من قسى الواقع رحل كم تلاطم موج عيني وأنا جفني رزين صامد(ن) عيا يهد العباير ما سأل لقمة الآحزان قوتي ويآلأفراح وين احتسيت من السهر لين خفاقي نحل حيلة الفلاح حفنة شعير(ن) مع يقين يرقب قدوم السنابل ولا رمشه جفل من وخزه الشوك ماهو عشان الياسمين مثل شاعر يكتب الوجد وبراسه غزل من لدغ من جحر مره ترى يصبح فطين!! ومن غرق له في بحر لحظة(ن)هاب البلل ماشي(ن) درب المسرات والخطوه يمين باسط(ن) كف الرجاوي ولا مات الأمل أزرع البسمات في وجه الأيام ويبين وردي اللي كم سقيته من عيون وعمل الهوى سلعه ولا ينشرى مثل الطحين والرثا شعر(ن) وشعر الضعيفين الهزل لو يسولف ما درى الحر في حال السجين أو درى كم يتعب النحل ذواق العسل عبداللـــــه خالد الخالــدي