مرفوعة إلى مقام صاحب السمو الشيخ ناصر بن حمد آل خليفة
هلت تباشير الفرح فالمنامة
وتباشروا فيها بدولة الإمارات
إلاّ وأنا أشهد يا سليل الزعامة
عن فرحكم عم الخليج المسرات
من حد صنعاء لين قفى تهامة
والشعر يهداء لك وتزجى التحيات
عن طيب خاطرهم وحب وكرامة
ولنك على ما قيل شيخ المهمات
والشهم في صيته يحقق مرامه
والله يجمل طيب الراس بالذات
يا ناصر الكلمات وأنتوا دعامة
في صرح من ضيق حوال المغيرات
في وقت هيات الفخر للجهامه
واهلك مروين السيوف الرهيفات
وتاريخكم ناصع مضيء وعلامة
للجود والنخوة وحمل الثقيلات
واليوم بسمي وانت رمز الشهامة
جيتك أبارك لك بما جاك فـ أبيات
توأمك ربي يحتويهم سلامه
وانته يمدك بالعمر للبعيدات
وانا اشهد انه يفتخر من حزامه
رجال من صلبه لكل الصعيبات
وانته حباك الله توأم كرامه
ويا جعلهم في ساير الخير رايات
وياهي فخامه ما بعدها فخامه
انك تسميهم على خير ما جات
حمد كعام الضد طير العدامه
علي اسم والدكم ويا خير الابات
ملح الرجال المقحمه والفهامه
ملك البلاد وعزها للعصيات
وفي الحالتين الطيب والا الصرامة
فيه المثل يُضرب علي كل الأوقات
ريف الضيوف وستر لأم اللثامه
وابو اليتامى كاملك يا السجيات
واللي علي شعبه يجافي منامه
وعن طيب ابو سلمان تروى حكايات
ومحمد اللي رافع الله مقامه
واللي يسمى به يحوز الكرامات
على اسم من شاخ القصيد وأمامه
وفالجود صيته حقق المستحيلات
بن راشد ال مكتوم طهر الغمامة
معرب الجدين شيخ المروات
واللي هيامه فالبساطه هيامه
ويمناه دجله ويسره نهر الفرات
الطيب المعطاء حتى عضامه
والصادق الي لا زهمته لفزعات
وطبع النشامه تلتقي بالنشهامه
شيخان بحرين الكرم والإمارات
وختامها توقيع للعز هامه
إهداء من تام الشعر والجزيلات
لشيخ ناصر حقق الله مرامه
ومبروك يا ناصر صقور السمينات
وللبقا يا شيخ ومع السلامه
ودمتم فخر يا رمز كل البطولات
