^ شعر : محمد الجلواح
مطـــلع قصيده تعانـــــــــدني وأطاردها
في ساحة أشعار يا ما اكثر قصايــــــدها
فيها قصايد كــــثيـــره من ذهـــــب لكن
ماهي بأكثـــــــر تواجد من حدايــــــدها
هو كان مطلع وأصبح بيتــــــــها الرابع
تغريدةٍ في (تويتر) جيــــــــت أغردّها
(تقيــــــــــيم الإنسان بأخلاقه وبأفعاله
أحذرتقــــيّم الأوادم من عقايـــــــــدها)
كم شخص ما هوب من دينك ويستاهل
روحك إلا دنيــــــته بانت شدايـــــدها
و كم والدٍ ما تشرّف في فعل ولـــــده
وكم بنت ما تفتخر بأفعال والــــــــدها
من عمـّم الصــــح وإلا عمـّم الغـــلطه
غلطان في فكرته والحل يبعــــــــدها
إن كان للمرء سيرة خير تشفـــــــع له
وإن كأنها شر يستاهل عــــــــــوايدها
واللي بنى له بطيبه منزلٍ عالـــــــي
امدوّرٍ زلــّــته ماهوب صايــــــــدها
هذا لتصنيف خلق الــلــــــه معيـاري
بحروف ببقى بكل عمـــــري أرددها
(تقييم الإنسان بأخلاقه وبأفعـــــــاله
احذر تقيّم الأوادم من عقايــــــــــدها)
