بسم الذي عالم خفيات الأسرار
جل جلاله خالق الكاف والنون
منجي سفينة نـوح من غب الابحار
الواحد الفرد الصمــــد خالق الكون
ومن بعد ذا بديت في نظم الأشعار
أبيات باحت موضحة كل مكنون
أرسلهم للي لهم صيت وأذكار
حقايق ماهي بقولة يقولون
ذولا الخليفة من طويلين الأشبار
كسابة النوماس بالطيب يمشون
يوم المعارك ما يهابون الأخطــار
عـاداتهم خوض المنايا يكدون
وأنا أفتخر فيهم اصغار وكبـار
هيـل المراجل باللوازم يســـدون
يا المشير أنتم لكم كل مقـدار
عزيز عندي وأعرف انكم تعزون
يا المشير قدرك ما يتوزن بقنطار
قدرك كبير وكل ما فيك مبخـون
ريف اليتـاما والمساكين والجار
ستــــر العذارى وعز من كل مهيون
يا الله عساكم من طويلين الأعمار
عسى لياليكم بلا هــــم ولا حزون
واللي تبي منا قد صار
انت والمعازيب على أرواحنا تمونون
وصلاة ربي عد ما طايرن طار
على المصطفى يااللي سمعتوا تصلون
? العقيد الركن / حمد بن حسن حمد النعيمي
