عـــزّ ربي مملكتنا فــــــي ملك يندر وصيفة
وزادها ربي مهابه فــــــي وجودك يا خليفة
يالأمير اللي علـــى عرش السيادة قد رقيت
وصرت للبحرين رمز وصرت للعزة خليفة
أنت يا دفىء الشتا ونسمات برد فـ حر صيفه
وأنت يا نفحة عبير من الزهر لا طاب كيفه
يا فصول أعوامنا لا رحت ...لا منّك لفيت
الحــــــب لأجلك يالامير وعشقنا فأنتم وليفة
مسطّر التاريخ مجدٍ تصنعه وآخـــــر تضيفه
وتنهض ببحريننا فـــي برّه وحاضر وريفه
شيخنا خيمة وطنّا للمقاصد هــــــــــو البيت
نلتجيلة في الشدايد ...نحتمي في ضل سيفه
عن يمين القائد وسلمان عــــــن يسرى رديفة
إسناده بحمــــل الأمانه اللي تراهـــا مو خفيفة
أنا أشهد إنهم كالنجوم إن تهت أنا فيها اهتديت
أركان ديرتنا الشداد شيوخنا آل الخليفــــــــــة
بـــــوعلي ياقف على أمن البلاد أعتى وقيفة
يحيطنا مثـــل السياج وفوقنا مثـــــل السقيفة
قاصرٍ فيه الحكي مهمـــــــــا تكلّمت وحكيت
وما وفى قدره مديح وشعر وكتاب وصحيفة
بوعلي أصل الشجاعة النصر بأذن الله حليفة
من جعل كل العدا تحسب حساب إن بان طيفة
باقيٍ عزّ الوطن مـــــــــــن عزّكم دامك بقيت
وشمسكم تضوي سمانا ليتها مــــا هي كسيفه
مــــن يلوم العاشق الولهان فــــي حبّك خليفة
وكلّنا ندمــن غلاك ومــــــا لنــا حيلة نعيفة
دون طلّتك البهيّه تصعــــــــب الدنيا هقيــت
ولـن قضى يومٍ بلا شوفتك يـــا مليون حيفه
كلّنا يمّك جنودك فـــــي عزومٍ مي ضعيفة
نبني الديره بسواعد كـل شريف وكل شريفة
عالمنيّه لــــــــو طلبت أرواحنا عندك لقيت
وافيين العهـــــد حنّا نرفض الكاذب وزيفة
وأختم أبياتي بدعاءٍ صادقٍ منـــي أضيفـــه
نابع مــــــن أعماق قلبي والمشاعر به كثيفة
ندعي الله بـــــــو علي دعواتنا عـلّ ويليت
يمد ربّي فــي حياتك في سنينٍ مــي عجيفه
^ لؤي بني ملحم
