أيه وين أيام أول ، كل الناس تبتسم و تضحك حتى يوم يانا رمضان ذيك السنة في الحر ، كل العالم كانت مستانسة و مبتسمة و تضحك و كل واحد قلبه وسيعي أخذ ويعطي حزة شغلنا في السوق.
بس الحين الدنيا تغيرت و النفوس بعد تغيرت ، الواحد يقوم من الرقاد معصب و يزف زوجته و هو طالع و يوصل الشغل وهو معصب وطول الطريج يسب في أي واحد يدش عليه بالسيارة و يجدم شوي ويقول “اللهم إني صائم”! عقب كل هالسب و التحندي على خلق الله يوصل الدوام ويهش طول ومكشر ولا يتداقل ، إن قلتله كلمة رد عليك بعشر واحمد ربك إذا ما سبك .
أي والله الدنيا تغيرت وكل ما جدم الزمن تتغير النفوس، عسى الله يزين نفوسكم كلكم في رمضان ويرسم لكم ابتسامة بدل التكشير و الاستغفار بدل السب ويحفظم بحفظه.
