يا خليفة
يا نسل نهر الخليفة
في فجرها وضحاها
وظهرها اللي رفع فوق السما بحرين
وخلا الكون
وين ما يدور نور الشمس بها يتباهى
يا بختها بك هالديره وأهلها
يا بخت ماها وسماها
يا بخت من عاش يتنفس محبتها وهواها
واختلط عمره بوفاها
يا بخت منهو سمع امرك وشورك
يا بخت منهو فهم في الدنيا دورك
يا خليفة
يا سبب هالفرحه كلها
كل حديقة حب في البحرين قلبك هو سقاها
ما لقينا أفراح إلاّ وكان اسمك من وراها
يا خليفة
يا جسر مرفوع ما بين العدالة والعدل
أي عوي لو مره يسمع حكمتك
في الدنيا حاله يعتدل
انت ادرى يا خليفة
الله وحده
حفظ البحرين وبجنوده رعاها
وبيحفظها مثل ما تحفظ البذره أصلها
ولها يزيّد على الدنيا سناها
الله وحده
رفع البحرين في العالم
ومن خيره عطاها
وعطاك الله فطنه يعلم المولى مداها
انت من علّم هل الديره وعلّمنا
تفاصيل الوفا
واشلون تصعد ثروة البحرين بطاقة أهلها
ويصعد من زرعها أو بناها
انت من اخرج حياة الناس من أكبر متاهه
انته من رد ابتسامات الأمل للروح وبحبه رواها
انته من اشعل طبايع خير في يخطوة بلد
نمشي بخطاها
والله انته
انته من أخرج حياة الناس من أكبر متاهه
لحد يقول المحبه
حق خليفة وحق أهل كل الخليفة
ما هي غير الموج يجري باندفاع
المحبة للي يفهم ويش وراها
هي صلاة القلب
لما يحب تتحول تعابيره مواني
وبحاحيره شعاع
المحبة للي يفهم وش وراها
اهي عين الروح
تنظر جوهر الإنسان
ما تحتاج تحط أي قناع
والا شنهو
خلا ديرة حب تطلع
من زرانيق المحرق
تحمل الأفواج في كل الشوارع
والمصانع والجوامع
جنها إمية الف غيمة من أماني
شللي يدفعها على راس الثواني
ترتفع صوب الرفاع
حنجرة وحده وصوت واحد
وقلبٍ كبير مثل المئذنة
في الفضا يصرخ مثل ما الرعد يصرخ بارتفاع
يا خليفة
ما نبي غيرك خليفة
ما نبي غيرك خليفة
ما نبي غيرك خليفة
يا أمير الحب في قولك وفعلك
يحفظك ربي ويصونك
ويرفعك عالي ورا النجمة اللي تهدينا بسناها
الحليم انته وحبك
يا خليفة
من عمر الأجداد
يسكن في مشاعرنا
مثل أحلى الطباع
الحكيم انته وقلبك
يا خليفة
نبضة الريح اللي ترفع أي شراع
احنا في الدنيا يمينك
يا خليفة
واحنا في ذراعك ذراع
منهو قال إن الحياة
ما هي سوى أرض ف صراع
الحياة كلها تكامل في هبوطٍ وارتفاع
الحياة كلها قناعة بالمحبة واقتناع
الحياة معنى حوارات السما والأرض
معروفة لنا سطحٍ وقاع
يا خليفة
يا خلف أهلي وناسي
يا حبيب الديره كلها
يا ضحي طيبة أهلها
انت من تمشي لنا بالقلب حتى لو شبر
والله نمشي لك مثل لانهار.. نطوي ألف باع
يا بخت من سار في شورك خليفة
لو مشينا بحكمتك
وسمعنا كلمتك
والله لا نخلي المجره
تنزل البحرين
وتتنفس بأهلها
وبحرها وبهواها.
شعر: علي الشرقاوي
