إهداء إلى صاحب الجلالة الملك المفدى بمناسبة تخرج سموالشيخ عيسى بن سلمان آل خليفة نجل صاحب السمو الملكي ولي العهد زفي التهـاني يا المعــاني زفي عسى الفرايد من غلاه توفي وقولي لعاهــل ديرتي بلســاني كل مايدور بخاطري وبشفي وأخذي الامانه بالعجل ياحروفي واليا وصلتي الصافرية لفي باجـزل معـاني منتقيهـــا بدقـه عل وعساها عن فرحنا تكفي فرصة ومثلي منتهز ذ الفرصة دام المعاني والزمـان بصفي قلت اسمعيني يالقوافي الجزلـة هاتي الجزالة من فكرلمصفي وهني ملكنا في تخــرج عيسى عيسى سمي العاهل المتوفي شيـخٍ غلاته في سـوادة عيني والقلب صوبه لابقاه يهفي فيه المراجـل والكـرم والطيبـة ودامه حفيد اللي نحبه يكفي ومن فرحتي له يوم هو يتخرج مشيت دمعة فرحتي له بكفي وحبيت ابـارك حق ابوه وأمـه من يوم كمل كلمته وصطفي جبت المعاني من ضميرٍ مخلص فيها التهاني كالعروس تزفي ويا فرحتي بك يا الحفيد الغــالي يامن لقيتك يوم ابيك بصفي والعين شفهـا فاضحـه راعيهــا تظهر غلاتك والغـلا متخفي وحبيت ابـارك في نهايـة حفلك بابيات شعر بالايعاز تصفي واقول فيهــا يا المليــــك الغالي نجاح عيسى وفرحتك به تكفي وزفي التهاني يا المعــاني زفي عسى الفرايد من غلاه توفي
