صــمــت الــكلام !!
قصيدة نبطية في رثاء شهيد الواجب بإذن الله تعالى "احمد راشد المريسي"


صَحا صَمـت الكلام ولا لقيت لحيرتي تفسير
وساد الحزن أطراف الزوايا وإنزوى فيها
يمر الذاكرة صوت/ن ينادي ياوجيه الخير
أبد مالليتامى والأرامل غير بـاريها
فقدتك يامواري رجعته يوم المواري غير
قبل ماتعتلي هام البلد غيمة تغطيها
حمل همٌ الوطن راضي بحكمة والي التقدير
بدا فيها حكاية غيبته وأزريت لا انهيها
لبس ثوب الفخر وأقفى يدافع عن مكان صغير
ماغير معزته تسوى الحياة وكل مافيها
رحل "أحمد" وخلانا بلا برجع ولا تبرير
و ودع دنيته قبل يحضن بنته ويدعيها
هذيك امه تنادي واللسان يخونه التعبير
هذيك اخته تصيح وياعسى الله مايخليها
جموع الناس في كل الجهات تردد التكبير
وكانت للدموع الساقطة قصة بتحكيها
أبد ماراح ننسى أي شي/ن صار أو بيصير
تراه استرخص الغالي عشان ارضه وراعيها
ولابه خير فينا لاتراكنا أسرته للضير
عسى ربي يسخر لجلها ناس/ن تداريها
كتبت الشعر وأوضاعي على فقده مَهِيٌ بخير
ترى الرجال لاماتت تلاقي رجال ترثيها !