مثل طبع الهوا في الأرض
في كل لحظة يتجدد
ومثل انهار ليل نهار، تروي الخير للبحرين،
تتوسع وتتمدد
ومثل الحلم يتحوّل
إلى واقع حلو
نلمس تعابيره بايادينا
وفي كل عين يتجسد
خليفة انته
عرفناك الحقيقه اللي
إذا شافت عدل لحظه ما تتردد
ولا تخلي الأمور تبات حق باجر
ولا تتركها في زحمة حجي تبرد
وإن كنا نشوفك بوعلي بافكارك تشارك
مع غيرك
وبالآراء لاجل الخير متقاسم
عرفنا انك بآلاف الأمور اللي تهم شعبك
دهر حاسم
وتتألم إذا شفت المراره في عيون انسان
وتتالم إذا واحد بغى يلعب على الميزان
وتتألم إذا شفت البلد ينهان
نعم يا بوعلي سنين
بين الريح والدالوب
توجّه لنا الدستور
وتعطي الروح للسكّان
وتقود الوطن في فشوت، تنذر بالخطر،
حق إجمل الشطآن
من واحنا عرفناك العدل في كل مشاويرك
وأفكارك حديقة حب تقطف منها أقوالك
قبل ما تحسم ف أي شي
تعاين
وتقارن
وتوزان دهر في بصمة أحكامك
عقبها تكون
حازم في عبارتك
وحاسم في قراراتك
حسمت يا بوعلي وايد
وما خليت أي واحد
على فراش الحزن راقد
حسمت يا بوعلي وايد
وفي كل الميادين اللي هالعالم عرفك ابها
إنك انت الفارس القائد
عرفناك المحب اللي الوفا شع به
عرفناك الذي عايش يحب شعبه
خليفة الناس هاللي دوم حبوا الخير في وجهك
وأكثر من نفسهم في العمر حبوك
زادوا في المحبه لك
ولاجل أمن الوطن واللي عليه يعيش
بيتبعون قراراتك
وبيمشون كل لحظه بضوا ظلك
وفي كل شي عدل يرفع هل البحرين
تلقاهم
خليفة يتبعون أحلامك اللي
ما اعرفتها من قبل أزمان
خليفة يا وفا انسان في قلبه
حمل كل عالم الإنسان وين ما كان
ما غيرك
بيحسم في الأمور اللي نعيشها الحين
أو باجر نمر بها
ترى احنا الشعب
وين ما رحنا أو جينا
ترى احنا الشعب
إن حولنا في غبة بحر
هذا الوطن مينا
لنا بتبقى
بتبقى انته
مثل ما انته
لامجاد الوطن عنوان.
قصيدة للشاعر علي الشرقاوي