«1»
حمد يا بن عيسى
يا فاتح الأبواب
وموسّع الفرحه
ومكاثر الأصحاب
وجاعل البحرين
ورده لهالعالم
محد يشمها ف يوم
إلا في هواها ذاب
«2»
هالمملكه الحلوه
لو كانت صغيره
كبيره بالإنسان
و بحكمك كبيره
أقوى بلد في الكون
صغيّر بروحه
و يكبر إذا تحالف
والله مع غيره
«3»
من أول التاريخ
ما يوم نتخالف
وعلى ألوفا والخير
نبني ونتحالف
يد وحده ما تقدر
تعمّر الدنيا
لكن بأيادي الطيب
هالكون يتوالف
«4»
وسّع يا بو سلمان
في الدنيا خطواتك
وخل النجم في الكون
يشوف راياتك
انته الرشيد اللي
يرشدنا بأفكاره
وانته العظيم اللي
تصنع حضاراتك
«5»
هالمملكه بحلمك
والله يا بو سلمان
صارت ربيع الكون
في أجمل ألازمان
من يعرف البحرين
لولا صدى أفكارك
هاللي جذرها الطيب
مروي من الإيمان
علي الشرقاوي