إلى روح من قال يوماً «البحرين ابنتي الصغيرة» و«حدود الرياض المنامه ، وحدود المنامه الرياض» ...
قصيدة في رثاء فقيد الأمة، والدنا العزيز: الملك عبدالله بن عبدالعزيز آل سعود رحمه الله وأسكنه فسيح جناته ..
وش فيك ياعامٍ من أول طلتك وجهك حزين؟
ثوبك سواده وقّف الأنفاس في صدر السلام
جانا الخبر جمرة غضى شبت مواويل الحنين
من حرّها نسّت قلوب الخلق معنى الإبتسام
أمرٍ من الخالق سرى والليل مكتوف اليدين
عزّى في ثلثيه الأخير قلوب ضاق إبها المنام
كلٍّ تيتّم من بعد عين إكرمت وجه السنين
عين إحشمت من يقصد البيتين عامٍ بعد عام
يفخر بقـــولة (خادم البيتين) عند العالمين
ياخـــادم البيتين علّمت المقـــام أعلى مقام
عبدالله بن عبدالعزيز الموت لإبن آدم يقين
لكن جسد هالأرض في موتك عن الأفراح صام
ونّ الخليج وجــرّت الونّه بلاد الرافـــدين
دجله بكت والشام ماعادت بعد فرقاك شام
إرتاع قلب النيل وإحتارت عيون القبلتين
هلت دموع الشرق الأوسط وإنحنى ظهر الكلام
تبكي الرياض وينفطر قلب المنامه بالأنين
الوالد اللي دلّــع الثـنتين في قبــــره ينــــام
محدٍ نساها فزعتك يوم إحضرت في كلمتين
يوم النوايا كشّــرت بأنيابها حـول النظــام
(بنتي الصغيرة) قلتها ، وأنصفتها في ساعتين
إي والله البحرين عندك يالسعودي لاتُضام
الله يعظّم ياحمد أجرك على الحزن الدفين
ياسيفنا يوم المواقف مالها غــيرك حسـام
وإيعظم أجر شيوخنا نعم الرجال الأولين
أهل العقول النّيّره ودروعنا وقت الصدام
و الله يحسن في عزا الإسلام وأفعال اليمين
وآل السعود إخوان نوره مقبرة روس اللئام
ياخالقي جاك الكريم بوجه الأكرم يستعين
مايملك إلا حــسن ظـنه فــيك يارب الأنام
عان الفقير وجبّر المكسور لأجلك يامعين
واليوم يطلبْك المعونه مكتسي في ثوب خام
ياالله تثيبه بالعــفو والحور والدر الثمين
عن كلّ سجده لك سجدها مسلمٍ خلف الإمام
ياالله تنوّر قــبر عبدالله بنور المسجــدين
وإتصون ضيفٍ قدّر الضيفان في البيت الحرام

ظما الوجدان / مملكة البحرين
24 /1 /2015