سلام في بادي القصيد لمــــن له يطيب القصيد
ومرحباً ترحيبة'ن' صافــــي المــــوده يزيدها
سلام ي أشناب العرب كسابة الصيت الحميد
ويا هلا بطـــاري المراجـــل تنذكــر وأعيدها
بالأمس جانا زاير الأضحى المبارك والسعيد
ألفى على وعــد الهنـــا لديارنـــا في عيدها
وتنعم الكل بأمان ولا حــــدا الخاطـــر مكيد
المملكة دوحــــة أمـــان ولا عذول يكيدها
لله حمد الشاكريـــــن اللي له يليــــن الحديد
أنعم علينــــا بحاكـــم فنون القيادة يجيدها
محنك فطين ودبلوماسي قولــــه القول الرشيد
أفعاله تخلي السياســـة تحير في تعقيدها
متمرس'ن' فاق الملوك بما مضى ولا جديد
المنجزات أكبـــر دليل ويا صعب تعديدها
هذا المليك اللي شهدله الداني وحتى البعيد
أصل الرجولة وسنعهـــا مستفرد بتجسيدها
عن ميمنه سلماننا ذاك السند عز العضيد
وعن يساره بو علي ..ذاك الملاحم سيدها
وطيور شلوى ناصر وخالد لهم باس'ن' شديد
الاولي قرم'ن' شجــــاع .. وثنـــي بصنديدها
ذول الخليفة شيوخنا يـ مدور العلم الفريد
اللي بنوا بحريننــــا وبكفهــــم تشييــــــدها
ي شيوخنا يا فخــرنا يا منبـــع المجـــد التليد
ركابكم خيل المعالي ولازمين'ن' جيدها
من هو سواكم بمدحه وأعزف له أبياتي نشيد؟
وتكتمل قيفان شعري ويستوي توريدها؟
حنا تبعناكم قديم وما على الموثق جديد
عهودنا كن الزمــــان تكـفـــــل بتجديدها
يجري غلاكم في القلوب ويسكن بدم الوريد
أصدق براهين الغلا ..لا حاجه لتوكيدها
يالله يا رب السماء ..يا كافل'ن' أمر العبيد
يبوحلك خاطــــر شعوري بدعوتين يريدها
أنعم عليهم ربنا من طيب العمر المديد
ومبهجات أعيادهم طــــول مداهـــا وعيدهـــا
وأسعد مساهم والصباح ولو بدى يوم'ن' جديد
أكتب لهم فيه الحظوظ الطيبات وزيدها
واحفظ 'حمد' تاج الوطن عرش المهابه اللي يسيد
الوائلي ومن سواه اللـــي المعالي يسيدها
واختم على ذكر الذي يشفع لنا يوم الوعيد
الهاشمي الـ سنتــه درب'ن' لنا منحيدها
«أحمد» إمام المرسلين وخاتم الدين المجيد
أفلح من يصلـــي عليه ويلهــــج بترديدها

لؤي فخري جديتاوي