يا صانع المجد والأزمان
يالوالد القائد المنصور

يا بوعلي يا عظيم الشان
في شعبك اللي وفي شعور

سبحان من أوجدك سبحان
دايم علينا تشع بنور

ما تشبه إلا جبل دخان
أو طلة المرفأ المشهور

يا ريحة محرق ومشتان
من باب قصرك إلين الدور

أهديتنا اللول والمرجان
وأنسام عطر وخيال صقور

من قلبك اللي بلا بيبان
مفتوح للي يمد جسور

يعني بلا شرح واستبيان
أمير مجدٍ قديم عصور

تبارك الواحد المنان
لا هان هيغل ولا طاغور

ربان ما يشبهك ربان
أمن اقتصاد وبنوك «أوف شور»

هذا خليفة ولد سلمان
من شنغهايٍ إلى اليابور

شعبك تجاوز كثير اوطان
في فكرك اللي ولا العافور

واليوم هذا أخذ عنوان
حفل إفتتاح نعم ممهور

بالمعرض الصيني المليان
من كل سوق وجديد ستور

هذي المدينة ولا فوتيان
يعني نعم ما تبي منشور

صرح عظيم وأثار أشجان
من يعشق الماس والبلور

أبا اترنم واجر الحان
واكتب على الغيم والسابور

مشكور يا ملهم العربان
من حد دلمون إلين السور

تستاهل الهيل والعرفان
من فيض عشق ولا الدامور

لعيون من خاطره ولهان
ما يسمع إلا حنين صدور

يا بو علي شاعرك سلمان
أهدى لك اللؤلؤ المنثور
الشاعر سلمان بـن حمـد
بـن علـي آل خليفـة