قصيدة مرفوعة إلى صاحب السمو الملكي الأمير خليفة بن سلمان آل خليفة رئيس الوزراء بمناسبة خروج سموه من المستشفى بعد إجراء الفحوصات الطبية التي تكللت بفضل الله بالنجاح

غدا الشر وطاب النوم وزادي مع المشروب
وطابــت ليالينـــا وهلـــت بسعودها
طلع بالسلامة الشيخ خليفة أمير القلوب
لك الحمد ربي ما دعوا لك في سجودها
عسى حالك معافى وأيامك بخير وطيوب
تشوف بيضها وعنك يحجب الله سودها
يعافيك ويجيرك وياجرك على لكروب
وأيامٍ صعيبه جعل ربي ما يعودها
زعيمٍ رقى في شامخ العز وعدى دروب
طموحه بلا حد يسعى للدار ويزودها
تسلسل من قرومٍ ومن صلبهم منتوب
اشيوخٍ سمت بالعز وأوفت بعهودها
الجهبذ اللي بلغ صيته اشمالها وجنوب
ملىء الأرض كلها طاف وعدى حدودها
حليف المراجل بالمراجل غدا مصحوب
ركنها ومبناها واساسها وعمودها
فلا خاب من ينصاه وشمسه بدت بغروب
الا اشروقها مضمون من نفسه وجودها
يشدّك بمنطوقه وله في الكلام أسلوب
يذهلك بإجاباتــه ويقنعك بردودها
قويٍ في قول الحق ما ينثني مرهوب
لطيف كساه الطيب اشذى من ورودها
شديدٍ باسه يجي صليبٍ مثل الدالوب
على من عبث بالدار وعكّر اركودها
حظى بحب شعبه دايمٍ عندهم مرغوب
فازوا به وفازت به بلادٍ يقودها
نجدد لك البيعة أنت أميرنا المحبوب
وأنت اسنادنا وعزنا وقدها وقدودها
عليك نادت الديرة اسمك في الحشا مكتوب
سعت لك بتأييدٍ وحبٍ احشودها
غدا الشر وجاب الخير علينا نسيم اهبوب
يبشر بطلعة سيدي سيد اسيودها
طاب الأنس اليوم الكل في فرحته مطروب
توّ ما زانت العذرا وزان لبس عقودها
عسى اعماركم تمد ما فيها كدر وتعوب
ودامت لكم راية ترفــرف ابنودها

الشاعر: يوسف محمد راشد بطي البوفلاسة