لفبراير مكانة خاصة عند شعب البحرين، وهناك من يريدنا أن ننساه ونمحوه من ذاكرتنا ونستبدله بأجندته.
فبراير للبحرين ذاكرة وطن شعب صوت بنسبة 98,4% على وثيقة وطنية، إنجاز تاريخي يرسم لي ولعيالي ولأحفادي شكل مستقبلهم.
وهذه النسبة هي ثابت من ثوابت أي أمة وأي مجتمع وأي دولة، حدث تاريخي جلل يرسم لي ولعيالي وأحفادي طريقاً، مو سهل أبداً أن يجتمع 98,4% على قلب واحد، بس أهل البحرين سووها وما راح نسمح لكائن من كان أن ينسينا هاليوم أو يبدله بأيامه».
14 فبراير لنا للبحرين وهو ثابت لا يزحزحه أحد، نقدر نبني عليه صح بس محد يقدر ينسفه ويقولك من أول ويديد فهو الشرعية التي نستند إليها في هالوطن.
الآن نختلف على بعض بنود دستورنا اللي انولد من رحم هذا الميثاق، نعدل فيه، نطور فيه هذي قصة ثانية، لكن اللي يحبنا اللي يحب إخوانا اللي يحب أرضه اللي يحب وطنه يتذكر اجتماعنا ووحدتنا ويحتفل في هالذكرة بالهالثابت مو يختار هالتاريخ متعمد ليقسمنا نصين.
ما تستطيع قوة على الأرض أن تجبر أي دولة أن تنسف 98,4% وتقول له غيرت رايي «جيم أوفر» هدمه ونبدي من أول وجديد وكأنه لا ميثاق ولا تصويت، ما تقدر تهدم هالنسبة إلا نفس النسبة، لذلك إصرار شعب البحرين على توثيق 14 فبراير كيوم للميثاق يوم الإجماع يوم الدولة البحرينية هو إصرار على وجودهم اللي يبون يلغونه، عشان جذي اليوم الصبح على كل بحريني وبحرينية مسؤولية الإعلان عن رأيه للعالم خلوا العالم يشوفون 14 فبراير بعيونكم، ومحاولة خطف هذه اللحظة وهذا المفصل وتخصيص هذا التاريخ بتخويفنا وخلق بلبلة محاولة فاشلة، حاولتوها السنة الماضية حاولتوا تشقون الصف وتسوون البحرين نصين وفشلتوا، ومر 14 فبراير العام الماضي وبيمر السنة وبدور السنين وبتبقى 98,4% هي الثابت في كل 14 فبراير.
من اختار هذا اليوم ليحوله إلى أزمة ما اختاره عبثاً، نسبة 98,4% لا يمكنه استيعابها، نسبة تهدم مشروعه ما يبي ميثاق ما يبي إجماع ما يبي دولة مستقرة، اللي اختار هذا اليوم ما اختاره اعتباطاً، حتى إنه ما اختار يوم العيد الوطني، يوم 16 ديسمبر فذاك يوم الاستقلال من الاستعمار، ذاك اليوم ما في تصويت وما فيه تثبت للشرعية أمام سمع وبصر العالم، لكنه اختار يوم ثبت فيه 98,4% شعب البحرين الشرعية وثبت شرعية الملكية الدستورية وثبت إجماع شعبي حتى يمحيه من الذاكرة، أراد أن يتذكر العالم 14 فبراير مثل ما هو يشوف البحرين سودة وحزينة مو مثل ما نشوف إحنا البحرين، ليش ما اختار غير هاليوم؟ لأنه يهدم ادعاءه لأن التذكير فيه يهز مصداقيته.
أنا اليوم كشعب بحريني في مفترق طرق، إما أن أعلن عن نفسي أني موجود أو غيري سيختطف قراري ويتحدث باسمي لمجرد أني صامت،
علشان جذي اليوم لازم يكون يوم بحريني بامتياز يوم علني يوم للشارع البحريني اليوم، لازم يبين رأيك رفعوا راية وطنكم على بيوتكم على سياراتكم على راسكم على جتفكم لبسوا عيالكم راية البحرين وهم رايحين مدارسهم وأنتوا رايحيين مكاتبكم باجر لفوا راية البحرين وتلحفوا بها هذي علامتك الفارقة، ما أبي أشوف زينة الوزارات أبي أشوف زينة الناس احتفال الناس نبي، إرادة أهل البحرين هي اللي تهز الأرض لحد يطلع من بيته إلا وقايل أنا بحريني وهذا يوم ميثاقي يوم فرحتي.
من الصبح أبي أسمع صباح الخير يا بحرين ومعاها أسمع هرنات السيارة تقول بحرين أبي ستار كافيه في السيارة أسمع فيه يبايب أمهاتنا وأشم ريحة مشمومهم وأشوف أعلام البحرين محمولة من فجر الله شايلنها عيالنا، من الصبح وجودنا في مكاتبنا وفي مدارسنا وفي مصانعنا هو رد الجميل لأمنا وهو واجبنا الوطني.
يقولون بيعصونج يا بحرين عصيان مدني باجر يقولون ما بيشترون ما يبيعون يقولون باجر بيشلونج يا أمنا ونقولج لا هنتي يا بحرين كلنا جندوج، باجر كلنا بنات لج كلنا على ثغورج حماة لج.
والله ما أدري أشكثر أشكرهم على إحياء هالروح الوطنية فينا، كل ما خذتنا الدنيا ولهينا رحتوا هيضتوا مشاعرنا وألهبتوا حماسنا أكثر ورجعتوا ذكرتونا شقد نحب هالبحرين.. بحرين لا هنتي وراج رجال ونساءهم خوات رجال وشوفيهم باجر شوفي عزيمتنا شوفي حبنا باجر بنشيلج شيل، اليوم محد قاعد في بيته اليوم كلنا في شوارعها في مطاعمها في محلاتها في زينتها بنبني ما نحرق بنعمر ما نهدم بنفتح حضنا للي بينظم ما نفرق اللي يعزها يعزنا وإخوان سنة وشيعة في لمتنا مو في تهديد بعضنا بعض.
من باجر لي تاريخ 21 فبراير وهو يوم قال الشعب كلمته في 2011 لازم يقولها في 21 وتم اختيار ساحة عراد لأنه ما يبون أي تجمع في العاصمة وأحنا نحترم القانون.
يوم 21 فبراير يوم بتدعيله كل الجمعيات الوطنية يوم للشعب البحريني اللي يبي يقول للجمعيات الست شيلوا يدكم عنا يكون في عراد، اللي يبي يقول للي واقفين على الباب ينتظرون المزاد للروس للأمريكان لإيران شيلوا يدكم عنا، يكون في عراد يوم 21 من باجر صوتي بيعلا وبتكلم عن نفسي وما حد له حق يدعي أنه يمثلني عيل أنا تمثلني الجمعيات الست؟.
بتسمعون صوتي من باجر لي يوم 21 فبراير كل البحرين بتقولكم أنتوا تمثلون من؟.
تذكر أخوي وتذكري أختي إنكم يوم تخليتوا عن صمتكم يوم طلعتوا في 21 فبراير 2011 قلبتوا معادلة غيرتوا مسار وقفتوا مؤامرة ثبتوا شرعية حققتوا توازن أجبرتوا الكل داخل وبره البحرين على اتخاذ قرارات مختلفة عن اللي اتخذها قبل، لا تطلعون أنتوا طلعتوا علشان البحرين مو عشان أحد، واليوم البحرين تقولكم وينكم، اليوم داخلين الحوار بصفتهم يمثلونك ويسافرون يعقدون الصفقات باسمكم اللي قابل أن يبيع البحرين بالمزاد يوم أمريكا ما شرت عروضها على روسيا بحجة الديمقراطية أو بحجة المطالب الشعبية نقوله حدك ليي هني وأرضنا هذي اللي تعرضها في مزاد مو للبيع.
اللي قاعد يصير اليوم في الحوار هو مو تحديد لشكل النظام السياسي بس لا اللي قاعد يصير في الحوار اليوم هو تثبيت من يتكلم باسمك من له حق تمثيلك، في المجتمع الدولي وفي الإعلام تستغل الوفاق صمتك وتقول حق الناس بره إنها تمثلك وإنك فوضتها وتطلع في الشارع تقول للناس هذا هو شعب البحرين، ومع احترامنا لكل الأطياف ومع احترامنا لحقهم في التعبير أقول إن حقنا في التعبير واجب وملزم وعلى الدولة والعالم والجمعيات الست إنهم يسمعونا... لي إهني وبس.
تبي الحوار ينجح تبي حقك ما ينهضم تبي ترفع راسك أطلع وقول هالكلام قولهم أنتوا ما تمثلوني قول كفاية إرهاب قول كفاية عنف قول للدولة طبقي القانون قول لابد من احترام سيادة البحرين قول التغيير يصير عبر المؤسسات الدستورية قول ما أسمح لأحد يهددني ويبتزني قول للبحرين وفي فبرايرها لا هنتي وراسي يشم الهوى.
فبراير للبحرين ذاكرة وطن شعب صوت بنسبة 98,4% على وثيقة وطنية، إنجاز تاريخي يرسم لي ولعيالي ولأحفادي شكل مستقبلهم.
وهذه النسبة هي ثابت من ثوابت أي أمة وأي مجتمع وأي دولة، حدث تاريخي جلل يرسم لي ولعيالي وأحفادي طريقاً، مو سهل أبداً أن يجتمع 98,4% على قلب واحد، بس أهل البحرين سووها وما راح نسمح لكائن من كان أن ينسينا هاليوم أو يبدله بأيامه».
14 فبراير لنا للبحرين وهو ثابت لا يزحزحه أحد، نقدر نبني عليه صح بس محد يقدر ينسفه ويقولك من أول ويديد فهو الشرعية التي نستند إليها في هالوطن.
الآن نختلف على بعض بنود دستورنا اللي انولد من رحم هذا الميثاق، نعدل فيه، نطور فيه هذي قصة ثانية، لكن اللي يحبنا اللي يحب إخوانا اللي يحب أرضه اللي يحب وطنه يتذكر اجتماعنا ووحدتنا ويحتفل في هالذكرة بالهالثابت مو يختار هالتاريخ متعمد ليقسمنا نصين.
ما تستطيع قوة على الأرض أن تجبر أي دولة أن تنسف 98,4% وتقول له غيرت رايي «جيم أوفر» هدمه ونبدي من أول وجديد وكأنه لا ميثاق ولا تصويت، ما تقدر تهدم هالنسبة إلا نفس النسبة، لذلك إصرار شعب البحرين على توثيق 14 فبراير كيوم للميثاق يوم الإجماع يوم الدولة البحرينية هو إصرار على وجودهم اللي يبون يلغونه، عشان جذي اليوم الصبح على كل بحريني وبحرينية مسؤولية الإعلان عن رأيه للعالم خلوا العالم يشوفون 14 فبراير بعيونكم، ومحاولة خطف هذه اللحظة وهذا المفصل وتخصيص هذا التاريخ بتخويفنا وخلق بلبلة محاولة فاشلة، حاولتوها السنة الماضية حاولتوا تشقون الصف وتسوون البحرين نصين وفشلتوا، ومر 14 فبراير العام الماضي وبيمر السنة وبدور السنين وبتبقى 98,4% هي الثابت في كل 14 فبراير.
من اختار هذا اليوم ليحوله إلى أزمة ما اختاره عبثاً، نسبة 98,4% لا يمكنه استيعابها، نسبة تهدم مشروعه ما يبي ميثاق ما يبي إجماع ما يبي دولة مستقرة، اللي اختار هذا اليوم ما اختاره اعتباطاً، حتى إنه ما اختار يوم العيد الوطني، يوم 16 ديسمبر فذاك يوم الاستقلال من الاستعمار، ذاك اليوم ما في تصويت وما فيه تثبت للشرعية أمام سمع وبصر العالم، لكنه اختار يوم ثبت فيه 98,4% شعب البحرين الشرعية وثبت شرعية الملكية الدستورية وثبت إجماع شعبي حتى يمحيه من الذاكرة، أراد أن يتذكر العالم 14 فبراير مثل ما هو يشوف البحرين سودة وحزينة مو مثل ما نشوف إحنا البحرين، ليش ما اختار غير هاليوم؟ لأنه يهدم ادعاءه لأن التذكير فيه يهز مصداقيته.
أنا اليوم كشعب بحريني في مفترق طرق، إما أن أعلن عن نفسي أني موجود أو غيري سيختطف قراري ويتحدث باسمي لمجرد أني صامت،
علشان جذي اليوم لازم يكون يوم بحريني بامتياز يوم علني يوم للشارع البحريني اليوم، لازم يبين رأيك رفعوا راية وطنكم على بيوتكم على سياراتكم على راسكم على جتفكم لبسوا عيالكم راية البحرين وهم رايحين مدارسهم وأنتوا رايحيين مكاتبكم باجر لفوا راية البحرين وتلحفوا بها هذي علامتك الفارقة، ما أبي أشوف زينة الوزارات أبي أشوف زينة الناس احتفال الناس نبي، إرادة أهل البحرين هي اللي تهز الأرض لحد يطلع من بيته إلا وقايل أنا بحريني وهذا يوم ميثاقي يوم فرحتي.
من الصبح أبي أسمع صباح الخير يا بحرين ومعاها أسمع هرنات السيارة تقول بحرين أبي ستار كافيه في السيارة أسمع فيه يبايب أمهاتنا وأشم ريحة مشمومهم وأشوف أعلام البحرين محمولة من فجر الله شايلنها عيالنا، من الصبح وجودنا في مكاتبنا وفي مدارسنا وفي مصانعنا هو رد الجميل لأمنا وهو واجبنا الوطني.
يقولون بيعصونج يا بحرين عصيان مدني باجر يقولون ما بيشترون ما يبيعون يقولون باجر بيشلونج يا أمنا ونقولج لا هنتي يا بحرين كلنا جندوج، باجر كلنا بنات لج كلنا على ثغورج حماة لج.
والله ما أدري أشكثر أشكرهم على إحياء هالروح الوطنية فينا، كل ما خذتنا الدنيا ولهينا رحتوا هيضتوا مشاعرنا وألهبتوا حماسنا أكثر ورجعتوا ذكرتونا شقد نحب هالبحرين.. بحرين لا هنتي وراج رجال ونساءهم خوات رجال وشوفيهم باجر شوفي عزيمتنا شوفي حبنا باجر بنشيلج شيل، اليوم محد قاعد في بيته اليوم كلنا في شوارعها في مطاعمها في محلاتها في زينتها بنبني ما نحرق بنعمر ما نهدم بنفتح حضنا للي بينظم ما نفرق اللي يعزها يعزنا وإخوان سنة وشيعة في لمتنا مو في تهديد بعضنا بعض.
من باجر لي تاريخ 21 فبراير وهو يوم قال الشعب كلمته في 2011 لازم يقولها في 21 وتم اختيار ساحة عراد لأنه ما يبون أي تجمع في العاصمة وأحنا نحترم القانون.
يوم 21 فبراير يوم بتدعيله كل الجمعيات الوطنية يوم للشعب البحريني اللي يبي يقول للجمعيات الست شيلوا يدكم عنا يكون في عراد، اللي يبي يقول للي واقفين على الباب ينتظرون المزاد للروس للأمريكان لإيران شيلوا يدكم عنا، يكون في عراد يوم 21 من باجر صوتي بيعلا وبتكلم عن نفسي وما حد له حق يدعي أنه يمثلني عيل أنا تمثلني الجمعيات الست؟.
بتسمعون صوتي من باجر لي يوم 21 فبراير كل البحرين بتقولكم أنتوا تمثلون من؟.
تذكر أخوي وتذكري أختي إنكم يوم تخليتوا عن صمتكم يوم طلعتوا في 21 فبراير 2011 قلبتوا معادلة غيرتوا مسار وقفتوا مؤامرة ثبتوا شرعية حققتوا توازن أجبرتوا الكل داخل وبره البحرين على اتخاذ قرارات مختلفة عن اللي اتخذها قبل، لا تطلعون أنتوا طلعتوا علشان البحرين مو عشان أحد، واليوم البحرين تقولكم وينكم، اليوم داخلين الحوار بصفتهم يمثلونك ويسافرون يعقدون الصفقات باسمكم اللي قابل أن يبيع البحرين بالمزاد يوم أمريكا ما شرت عروضها على روسيا بحجة الديمقراطية أو بحجة المطالب الشعبية نقوله حدك ليي هني وأرضنا هذي اللي تعرضها في مزاد مو للبيع.
اللي قاعد يصير اليوم في الحوار هو مو تحديد لشكل النظام السياسي بس لا اللي قاعد يصير في الحوار اليوم هو تثبيت من يتكلم باسمك من له حق تمثيلك، في المجتمع الدولي وفي الإعلام تستغل الوفاق صمتك وتقول حق الناس بره إنها تمثلك وإنك فوضتها وتطلع في الشارع تقول للناس هذا هو شعب البحرين، ومع احترامنا لكل الأطياف ومع احترامنا لحقهم في التعبير أقول إن حقنا في التعبير واجب وملزم وعلى الدولة والعالم والجمعيات الست إنهم يسمعونا... لي إهني وبس.
تبي الحوار ينجح تبي حقك ما ينهضم تبي ترفع راسك أطلع وقول هالكلام قولهم أنتوا ما تمثلوني قول كفاية إرهاب قول كفاية عنف قول للدولة طبقي القانون قول لابد من احترام سيادة البحرين قول التغيير يصير عبر المؤسسات الدستورية قول ما أسمح لأحد يهددني ويبتزني قول للبحرين وفي فبرايرها لا هنتي وراسي يشم الهوى.
