ربما هناك أمر غير مفهوم بالنسبة للدولة، أو أنه مفهوم، لكن يتم تجاهله، هذا الأمر «غير المفهوم» طرحناه وطرحه بعض العقلاء في الصحافة، و«بعض» العقلاء في البرلمان، وهو ثنائية الفساد، ودعم شركات خاسرة بملايين الدنانير.
قد يتقبل المواطن أن يبقى 4 أعوام من دون زيادة في الراتب «وهنا أقصد الزيادة للقطاعين العام والخاص، فما تريده الدولة هو أن تزيد العام وتترك الخاص وهذا إخلال بالدستور»، لكن لن يتقبل الناس أن يسمعوا مقولة «ما في فلوس» للرواتب، وتوجد لدعم شركة طيران تقود ميزانية الدولة إلى «حالة اليونان».
يقال إن مسؤولاً كبيراً «مسؤول عن القريشات» قال إن زيادة الرواتب ستؤدي باقتصاد البحرين إلى نفس حالة اليونان.
«يمسيك بالخير سعادة الوزير».. غلطان طال عمرك، مو الزيادة لا..!
أنت جفف الفساد والأبواب الخلفية للميزانية أولا، ومن ثم فإن دعم طيران الخليج «اللي تعج بالفساد من كل نوع»، حتى التوظيف فئوي حتى اليوم، فهي التي ستقود البحرين إلى حالة اليونان، طيران الخليج وليست زيادة الرواتب.. اللي يقول رواتبنا مثل الإمارات أو قطر..!
الفساد وطيران الخليج هما من سيقودان اقتصاد البحرين إلى طريق اليونان وقبرص.
*** (2) ***
سامحوني باكتب بالعامي، أقرب للقلب والمعدة، باكون صريح وياكم، عطوني الميزانية العامة في يدي، وأنا أطلع لكم أحلى زيادة في الراتب على مر العصور والأزمان.
الحسبة بسيطة، الأخت الفاضلة وزيرة التنمية الاجتماعية أعادت 20 مليون دينار إلى ميزانية الدولة من ميزانية دعم الأسر «معونة الغلاء»..!
الله يهديج بس «دوريها الحين وين راحت عاد»، يعني تحرمون الناس من الميزانية وتحاسبون الواحد إذا عنده سجل تجاري مال سمبوسه، وتمنعون عنه المعونه، وبعد ذلك ترجعين المبلغ للحكومة «دهنا في مكبتنا» والله حرام عليكم..!
زين الحين، صار وزير المالية يقول اصلا ميزانية معونة الغلاء اكثر من حاجتكم، زين جذي يا سعادة الوزيرة؟
طلعت لكم 20 مليون من وزارة التنمية، نروح حق وزارة الثقافة وباكنسل لكم جمن حفلة ارستقراطية لفنانين عالميين مع فرقتهم الكبيرة، وراح أجمع لكم مليوني دينار، وراح أخذ ميزانية السياحة كلها، لأن ما عندنا سياحة اصلا «يعني نقص على بعضنا.. احنا عيال بلد ونجوف السياحة»، وراح آخذ ميزانية إضاءة المسرح الوطني، وإضاءة القلعات «ترشيد للكهرباء» وراح نطلع بجمن مليون تقريباً.
أما وزارة الأشغال، خلوها على صوب، كل ما دمر «البعض» أماكن سكنه وطرقاته، راح لك وزير الأشغال وطرح مناقصات تطوير، يا أخي خلك بالجو ويانا «يخربون بيوتهم بأيديهم» ليش الدولة تسدد الفاتورة؟.. وبعدين تقولون ما في فلوس؟
ليش يا سعادة الوزير ترصف طرقات لا تحتاج إلى رصف، وتترك رصف الأماكن الجديدة بالبسيتين والمحرق وقلالي والحد والرفاع، مو حرام سعادتك!!
المجاري طافحه في أماكن كثيرة «بلد كبر حبة الفول للحين ما خلصنا المجاري من يوم الاستقلال» يعني خربانه خربانة، بناخذ ميزانية الطرق المرصوفه أصلا، وميزانية إعادة تطوير الأماكن المخربة والمجاري، وباطلع لكم «بهمجه» ملايين ما لها حد، طمنوا بالكم بس.
وزير المالية يقول ميزانية دعم المشتقات النفطية تقارب المليار «يا كبرها عند الله» مليااااااار.. الله، ما تقصرون والله انتو اللي تخافون على الشعب..!
شدعوة مليار، وينكم يا مجلس النواب، اقولكم مليار، جوفوا تفاصيل المليار شنو تطلع الوزير يقول هذا رقم محاسبي فقط؟.. أنتوا يا نواب خلكم ويانا بالجو..؟
وأروح حق ميزانية المجلسين، وناخذ مخصصات السفرات للخارج كلها، وأخصم على كل نائب نص راتبه «نواب ما يداومون في الجلسات، عنبوة يوم واحد بالاسبوع وكله غياب؟ وتبون تحاسبون الحكومة» سفرات لمؤتمرات «رعاية البطيخ ومادري شنو» والله حرام عليكم، سفرات ما منها فايدة على البلد..!
ونأخذ مخصصات الجمعيات الإنقلابية من العدل، لمدة عشر سنوات «يحرقون البلد ونعطيهم فلوس» والله هالبلد مادري أشلون ماشية.
العدل حصلوا فلوس وايد من المحاكم خلال 3 سنوات، بناخذ كل الغرامات، ويعني لحد الآن طلعت لكم 100 مليون..!
طبعا غير «المليار المحاسبي» اللي يقول عنه وزير المالية..!
عاد أنا مثل غيري، مو كل المبلغ لكم، لا يبه أحنا جيف نلعب؟ النص بالنص، انا صاحب المشروع.. عيل أشلون..!
نروح حق وزارة العمل «شكلكم مسوين عمل» توها الدولة تعرف أن وزير العمل عفس الدنيا بجنيف؟
قلنا لكم مسير بالهاتف من اللي خبركم ما تصدقون.. نأخذ من عنده كل الغرامات، اللي مادري وين تروح، وناخذ 21 مليون مالت التدريب، لأن مافي تدريب اصلا، يدربون «اللي تعرفون»..!
بعدين «السر عندكم بالأمان» راح أسوي تصفيه للوزراء اللي مالهم سالفة أو أفشلوا أو عدوا 4 سنوات، ما يقارب من 30 وزير على الطاولة..؟
شدعوة ليكون حكومة استراليا.. ياكثرهم وياقله إنتاجهم، مخصصات وسيارات وفلوس وسفرات على شنو؟
والوزير اللي ما عنده حقيبه، انا باشتيري له من رامز حقيبه على احسابي..!
حدكم 15 وزير في البحرين، ووايد بعد.
بالكويت ما يتعدى التشكيل الحكومي 16 وزير بس، واحنا أصغر من الكويت.
ميزانية مترهله ومصاريف على الفاضي، وتقولون مافي للمواطنين زيادة؟
الأخ العزيز والمحترم وزير المواصلات يقول أن نمو اقتصاد البحرين هذا العام يتوقع له ان يصبح 5%، يعني ما شاء الله.. الدنيا بخير، يعني الأمور طيبة، دول صناعية كبرى لا تصعد إلى هذه النسبة.
راح اجيب لكم فلوس من المرور..كاميرات المرور شغالة، يعني مدخول ولا أروع كله 50 دينار وفوق، المرور ما تشوفهم في شارع البديع بقدر ما تشوفهم في الرفاع والمحرق، ولا تشوفهم في سترة، كل ما رحنا نجدد التسجيل يقولك تعال الكاميرا صايدتك 10 مرات.. الله عشر مرات (حشه شماخر انا)..!
الحسبه عندكم.. يعني كل هذا ومافي ضرائب؟
اووو عاد باروح وزارة الصحة التي تحولت إلى ثكنه فئوية، يقولك تعدل الوضع، يا أخي للحين على ورا، واسوأ من أول، كله تخدير للناس، وزارة الصحة إحدى أذرع الأنقلاب، مازالت مريضة.
10 مليون للمستشفى اللي خبركم.. مستشفى لا يجري عمليات، ولا يجلب أجهزة للعمليات حديثة، وميزانيته 10 مليون.. سامحوني، باخذ العشرة مليون.. «ولبنا على الصاحيين».. والله حالة.. زادوا زادوا.. إي والله من اللي يجوفونه.
راح يقل مرتادي المستشفى بو عشرة مليون إذا زيدتوا الرواتب، علاقة متشابكة طردية بين المستشفى وحالة الناس.
وراح أخذ فلوس رعاية دورة كأس الخليج، ورعاية دورة الألعاب الخليجية، جمن مليون يقارب 50 مليون دفعت أبوظبي مجموع الدورتين، وين راحت، مادري والله.. اقولكم البلد فيها ملايين..!
فلوس أجار القاعدة الأمريكية 50 مليون دولار «يعطونا 50 مليون ويقلبون الحكم.. امريكان مالهم امان.. يعطونكم 50 ويعطون الوفاق 100 يسونها ترى» يعني بعد باخذها لكم، صدقوني باجيب لكم احلى زيادة في التاريخ، ما عليكم من الوزراء اللي يخوفونكم بالإفلاس، كلام فاضي، يا وزير وقف التدفق إلى أماكن أنت تعرفها، وراح يوقف العجر..!
جفتوا أشلون، اقولكم عطوني الميزانية، وانا اجيب لكم احلى زيادة.. ما تصدقون..!
** نبوءات الشيخ المقابي..!!
نقل عن احدى تغريدات الشيخ المقابي «ان صح النقل» ان الشيخ قال بما معناه: «ان كل ما يجري من حديث حول زيادة الرواتب لا معنى له، وان الزيادة ستأتي.. في النهاية» على ذمة المقابي..!
والله انك مو سهل يالمقابي.. على قولة معلق الجزيرة الرياضية، شكلك يالمقابي تروح الديوانية اللي عروقها بالماي على قولة سعد الفرج، وتعرف اشياء ما نعرفها.. حتى انت يالمقابي تشوف شي احنا ما نشوفه.. خبركم نظارة 3 دي.. واحنا علينا كشمة مالت اول..!!
** رذاذ
سعادة وزير التربية، شوفني اشلون حليو وياك ما جبت طاريك كلش «أدري كنت تدور أسم وزارتك في المقال» ولا قلنا أن عندك صرف مو في محله وحفلات مالها داعي.. جفت أشلون.. ماله داعي يعني تشتكي عند أحد..!
** بس تدرون، على ما يقول واحد من الاخوان، الاخوان الأصدقاء مو (الإخوان)، ترى هذي حكومة البحرين لا تردحون على الزيادة جذي، بكرة يزيدونكم جمن فلس، وتطلع لكم قرارات ضريبة زيادة في كل شي، يعني «نعطيك وناخذ من عندك» الزيادة في يدكم «ترانزيت».. أي والله هذي البحرين..!
** ذبحتونا سعادة.. وسعادة.. وأخباركم كلها كآبة وتغث الناس.. من وين السعادة مادري..؟
قد يتقبل المواطن أن يبقى 4 أعوام من دون زيادة في الراتب «وهنا أقصد الزيادة للقطاعين العام والخاص، فما تريده الدولة هو أن تزيد العام وتترك الخاص وهذا إخلال بالدستور»، لكن لن يتقبل الناس أن يسمعوا مقولة «ما في فلوس» للرواتب، وتوجد لدعم شركة طيران تقود ميزانية الدولة إلى «حالة اليونان».
يقال إن مسؤولاً كبيراً «مسؤول عن القريشات» قال إن زيادة الرواتب ستؤدي باقتصاد البحرين إلى نفس حالة اليونان.
«يمسيك بالخير سعادة الوزير».. غلطان طال عمرك، مو الزيادة لا..!
أنت جفف الفساد والأبواب الخلفية للميزانية أولا، ومن ثم فإن دعم طيران الخليج «اللي تعج بالفساد من كل نوع»، حتى التوظيف فئوي حتى اليوم، فهي التي ستقود البحرين إلى حالة اليونان، طيران الخليج وليست زيادة الرواتب.. اللي يقول رواتبنا مثل الإمارات أو قطر..!
الفساد وطيران الخليج هما من سيقودان اقتصاد البحرين إلى طريق اليونان وقبرص.
*** (2) ***
سامحوني باكتب بالعامي، أقرب للقلب والمعدة، باكون صريح وياكم، عطوني الميزانية العامة في يدي، وأنا أطلع لكم أحلى زيادة في الراتب على مر العصور والأزمان.
الحسبة بسيطة، الأخت الفاضلة وزيرة التنمية الاجتماعية أعادت 20 مليون دينار إلى ميزانية الدولة من ميزانية دعم الأسر «معونة الغلاء»..!
الله يهديج بس «دوريها الحين وين راحت عاد»، يعني تحرمون الناس من الميزانية وتحاسبون الواحد إذا عنده سجل تجاري مال سمبوسه، وتمنعون عنه المعونه، وبعد ذلك ترجعين المبلغ للحكومة «دهنا في مكبتنا» والله حرام عليكم..!
زين الحين، صار وزير المالية يقول اصلا ميزانية معونة الغلاء اكثر من حاجتكم، زين جذي يا سعادة الوزيرة؟
طلعت لكم 20 مليون من وزارة التنمية، نروح حق وزارة الثقافة وباكنسل لكم جمن حفلة ارستقراطية لفنانين عالميين مع فرقتهم الكبيرة، وراح أجمع لكم مليوني دينار، وراح أخذ ميزانية السياحة كلها، لأن ما عندنا سياحة اصلا «يعني نقص على بعضنا.. احنا عيال بلد ونجوف السياحة»، وراح آخذ ميزانية إضاءة المسرح الوطني، وإضاءة القلعات «ترشيد للكهرباء» وراح نطلع بجمن مليون تقريباً.
أما وزارة الأشغال، خلوها على صوب، كل ما دمر «البعض» أماكن سكنه وطرقاته، راح لك وزير الأشغال وطرح مناقصات تطوير، يا أخي خلك بالجو ويانا «يخربون بيوتهم بأيديهم» ليش الدولة تسدد الفاتورة؟.. وبعدين تقولون ما في فلوس؟
ليش يا سعادة الوزير ترصف طرقات لا تحتاج إلى رصف، وتترك رصف الأماكن الجديدة بالبسيتين والمحرق وقلالي والحد والرفاع، مو حرام سعادتك!!
المجاري طافحه في أماكن كثيرة «بلد كبر حبة الفول للحين ما خلصنا المجاري من يوم الاستقلال» يعني خربانه خربانة، بناخذ ميزانية الطرق المرصوفه أصلا، وميزانية إعادة تطوير الأماكن المخربة والمجاري، وباطلع لكم «بهمجه» ملايين ما لها حد، طمنوا بالكم بس.
وزير المالية يقول ميزانية دعم المشتقات النفطية تقارب المليار «يا كبرها عند الله» مليااااااار.. الله، ما تقصرون والله انتو اللي تخافون على الشعب..!
شدعوة مليار، وينكم يا مجلس النواب، اقولكم مليار، جوفوا تفاصيل المليار شنو تطلع الوزير يقول هذا رقم محاسبي فقط؟.. أنتوا يا نواب خلكم ويانا بالجو..؟
وأروح حق ميزانية المجلسين، وناخذ مخصصات السفرات للخارج كلها، وأخصم على كل نائب نص راتبه «نواب ما يداومون في الجلسات، عنبوة يوم واحد بالاسبوع وكله غياب؟ وتبون تحاسبون الحكومة» سفرات لمؤتمرات «رعاية البطيخ ومادري شنو» والله حرام عليكم، سفرات ما منها فايدة على البلد..!
ونأخذ مخصصات الجمعيات الإنقلابية من العدل، لمدة عشر سنوات «يحرقون البلد ونعطيهم فلوس» والله هالبلد مادري أشلون ماشية.
العدل حصلوا فلوس وايد من المحاكم خلال 3 سنوات، بناخذ كل الغرامات، ويعني لحد الآن طلعت لكم 100 مليون..!
طبعا غير «المليار المحاسبي» اللي يقول عنه وزير المالية..!
عاد أنا مثل غيري، مو كل المبلغ لكم، لا يبه أحنا جيف نلعب؟ النص بالنص، انا صاحب المشروع.. عيل أشلون..!
نروح حق وزارة العمل «شكلكم مسوين عمل» توها الدولة تعرف أن وزير العمل عفس الدنيا بجنيف؟
قلنا لكم مسير بالهاتف من اللي خبركم ما تصدقون.. نأخذ من عنده كل الغرامات، اللي مادري وين تروح، وناخذ 21 مليون مالت التدريب، لأن مافي تدريب اصلا، يدربون «اللي تعرفون»..!
بعدين «السر عندكم بالأمان» راح أسوي تصفيه للوزراء اللي مالهم سالفة أو أفشلوا أو عدوا 4 سنوات، ما يقارب من 30 وزير على الطاولة..؟
شدعوة ليكون حكومة استراليا.. ياكثرهم وياقله إنتاجهم، مخصصات وسيارات وفلوس وسفرات على شنو؟
والوزير اللي ما عنده حقيبه، انا باشتيري له من رامز حقيبه على احسابي..!
حدكم 15 وزير في البحرين، ووايد بعد.
بالكويت ما يتعدى التشكيل الحكومي 16 وزير بس، واحنا أصغر من الكويت.
ميزانية مترهله ومصاريف على الفاضي، وتقولون مافي للمواطنين زيادة؟
الأخ العزيز والمحترم وزير المواصلات يقول أن نمو اقتصاد البحرين هذا العام يتوقع له ان يصبح 5%، يعني ما شاء الله.. الدنيا بخير، يعني الأمور طيبة، دول صناعية كبرى لا تصعد إلى هذه النسبة.
راح اجيب لكم فلوس من المرور..كاميرات المرور شغالة، يعني مدخول ولا أروع كله 50 دينار وفوق، المرور ما تشوفهم في شارع البديع بقدر ما تشوفهم في الرفاع والمحرق، ولا تشوفهم في سترة، كل ما رحنا نجدد التسجيل يقولك تعال الكاميرا صايدتك 10 مرات.. الله عشر مرات (حشه شماخر انا)..!
الحسبه عندكم.. يعني كل هذا ومافي ضرائب؟
اووو عاد باروح وزارة الصحة التي تحولت إلى ثكنه فئوية، يقولك تعدل الوضع، يا أخي للحين على ورا، واسوأ من أول، كله تخدير للناس، وزارة الصحة إحدى أذرع الأنقلاب، مازالت مريضة.
10 مليون للمستشفى اللي خبركم.. مستشفى لا يجري عمليات، ولا يجلب أجهزة للعمليات حديثة، وميزانيته 10 مليون.. سامحوني، باخذ العشرة مليون.. «ولبنا على الصاحيين».. والله حالة.. زادوا زادوا.. إي والله من اللي يجوفونه.
راح يقل مرتادي المستشفى بو عشرة مليون إذا زيدتوا الرواتب، علاقة متشابكة طردية بين المستشفى وحالة الناس.
وراح أخذ فلوس رعاية دورة كأس الخليج، ورعاية دورة الألعاب الخليجية، جمن مليون يقارب 50 مليون دفعت أبوظبي مجموع الدورتين، وين راحت، مادري والله.. اقولكم البلد فيها ملايين..!
فلوس أجار القاعدة الأمريكية 50 مليون دولار «يعطونا 50 مليون ويقلبون الحكم.. امريكان مالهم امان.. يعطونكم 50 ويعطون الوفاق 100 يسونها ترى» يعني بعد باخذها لكم، صدقوني باجيب لكم احلى زيادة في التاريخ، ما عليكم من الوزراء اللي يخوفونكم بالإفلاس، كلام فاضي، يا وزير وقف التدفق إلى أماكن أنت تعرفها، وراح يوقف العجر..!
جفتوا أشلون، اقولكم عطوني الميزانية، وانا اجيب لكم احلى زيادة.. ما تصدقون..!
** نبوءات الشيخ المقابي..!!
نقل عن احدى تغريدات الشيخ المقابي «ان صح النقل» ان الشيخ قال بما معناه: «ان كل ما يجري من حديث حول زيادة الرواتب لا معنى له، وان الزيادة ستأتي.. في النهاية» على ذمة المقابي..!
والله انك مو سهل يالمقابي.. على قولة معلق الجزيرة الرياضية، شكلك يالمقابي تروح الديوانية اللي عروقها بالماي على قولة سعد الفرج، وتعرف اشياء ما نعرفها.. حتى انت يالمقابي تشوف شي احنا ما نشوفه.. خبركم نظارة 3 دي.. واحنا علينا كشمة مالت اول..!!
** رذاذ
سعادة وزير التربية، شوفني اشلون حليو وياك ما جبت طاريك كلش «أدري كنت تدور أسم وزارتك في المقال» ولا قلنا أن عندك صرف مو في محله وحفلات مالها داعي.. جفت أشلون.. ماله داعي يعني تشتكي عند أحد..!
** بس تدرون، على ما يقول واحد من الاخوان، الاخوان الأصدقاء مو (الإخوان)، ترى هذي حكومة البحرين لا تردحون على الزيادة جذي، بكرة يزيدونكم جمن فلس، وتطلع لكم قرارات ضريبة زيادة في كل شي، يعني «نعطيك وناخذ من عندك» الزيادة في يدكم «ترانزيت».. أي والله هذي البحرين..!
** ذبحتونا سعادة.. وسعادة.. وأخباركم كلها كآبة وتغث الناس.. من وين السعادة مادري..؟
