بحب مصر.. أيوه بحبها، بحب أهلها وناسها بحب أرضها بحب جوها بحب حتى فوضتها اللي مش عاجبه ناس كتير، لكني بشوفها بعيون المحبين، مصر هي كده، جمالها ببسطتها، وما بحبش أجامل بس حقيقي بنحبكو وفرحانة فرحانة جداً بإنجاز المصريين، وفخورة باللي عملوه، حاجة تشرف وترفع راس العرب.
إحساسي زي إحساس أم العريس بليلة فرح ابنها دمعة وضحكة وبصة كده من بعيد لابنها وهي بتدعي له ربنا يحرسك، بندعيلكم من بعيد النهارده وإنتوا بدشنوا القناة «ربنا يحرسكو وربنا يحرس مصر ويبعد عنك كل مكروه وكل شر ويوقومكو يارب بالسلامة ويهدي ولادك اللي جرحوك ونزلوا دمعتك».
مصر لما نادت ولادها عايزة 60 مليون جنيه لمشروع مصري قومي عربي، خلال «أزبوع» واحد جمع المصريين 64 مليون جنيه يعني أكثر من اللي طلبته مصر، وأصبحت القناة الجديدة للمصريين والحلم أصبح حقيقة وملكهم، أهوه.. اللي يحب مصر عارف سكته.
مصر قالت عايزه أبني القناة الجديدة في سنة، ولادها المصريين بنوها في أقل من سنة، اللي عايز يخدم مصر برضه عارف سكته.
لما الحب والوطنية والشرف يتسيدوا بنسى أي إساءة وخلاف وأي حاجة صغيرة ما توقفش جدام حبي لمصر، بحترم أي مصري معارض أو عنده اعتراض يجي لحد النهادره ويوقف احتراماً لتراب مصر.
مصر اللي بنت الأهرامات ما ممتش أهوه... شوفوا المعجزات كانت المرحلة الأولى واسمها (الحفر الجاف) ابتدت في 7 أغسطس 2014، يعني بعد يومين بس من تكليف الرئيس السيسي لرئيس أركان الهيئة الهندسية التابعة للقوات المسلحة اللواء كامل الوزيري بالإشراف على المشروع، خاصة في المرحلة الأولى، وكان لازم معجزة عشان يخلص العمل الجبار ده في تسع شهور زي ما عملوها المصريين.
أكبر عدد من الشركات والعمالة شاركت في المرحلة دي، 44 ألف مواطن مصري، بمصاحبة 4500 معدة، و62 شركة مصرية، ومعاهم كتيبتين من القوات المسلحة لإزالة الألغام ومخلفات الحرب، إضافة لكتيبتي الطرق للمساعدة في عمليات الحفر.
وعملوها المصريين، خلصوا الحفر الجاف بنسبة 100% خلال 9 شهور، وكانت الكمية المطلوب حفرها من الرمال حوالي 250 مليون متر مكعب من الرمال.
وجت بعدها المرحلة الثانية الحفر المائي (التكريك)..
بدأت مرحلة الحفر المائي مباشرة بعد انتهاء الحفر الجاف، للوصول إلى العمق المطلوب وظهور مياه بأرضية القناة الجديدة، وشارك في هذه المرحلة 5000 عامل ومهندس شاركوا في التكريك المائي، إضافة إلى «تحالف التحدي»، وهو عبارة عن تحالف أسطول كراكات هيئة قناة السويس، وشركة الجرافات الوطنية الإماراتية (NMDC) وشركتي «فان أورد» و«بوسكالس» الهولنديتين وشركتي «جان دو نيل» و«دريدجينج انترناشيونال» البلجيكيتين وشركة «جريت ليكس» الأمريكية. واشترك خلالها 45 كراكة، 23 منها أنهت عملها بالفعل، و22 أخرى تغادر الموقع بالتناوب، إضافة إلى 4 فنادق عائمة منذ بداية المشروع لاستراحة العاملين وتناوب الورديات. وأنهى تحالف التحدي عمله في 267 يوماً. (المصدر قناة العربية)
القوات المسلحة المصرية فخر لمصر وللعرب وما فيش حد يقول أنا مصري وما يوقفش ويأدي التحية العسكرية لكل المصريين في اليوم دا..
من إمتى؟ من إمتى بننجز يا عرب؟ من زمااان أوي ولادنا ما شفوش إنجاز عربي، والنهارده بيعشيوه، شكراً مصر، شكراً للقوات المسلحة، شكراً لولادنا المصريين..
الفرحة النهارده مش ليكوا لوحدكو زي مصر ما هيش ليكو الوحدكو القناة ومصر لينا كلنا زي ماحنا كلنا لمصر.
ألف ألف مبروك شرفتونا ورفعتوا راسنا.
ختاماً السلام أمانة
رسالة من بحرينية بتحبكو أوي
سوسن الشاعر
