^ يونس العيد
أحسن الله في عزاء الأمة على موت الأمير
الذي عز العقيدة من مباديها السليمة
نايف اللي واجه الإرهاب بإصرارٍ شطير
واقع الموقف ترك في قلبنا ذكرى أليمة
للشاعر: نواف آل محمود
لا يفرح المعتـدي وإبليـس فـي صـفه
ولا يحتـفل في رحيـل مزبـن الخايف
ربـى جـنود السعـوديــه عـلـى كــفـه
لين أصبح بكل شبر من الوطن نايف
للشاعر: حمدان المري
راح الأمير اللّي على الدّين حارس
مـن بـعـد مـا قـدّم لـداره حيــاتـه
لا تذرفـون الدّمع في فقـد فـارس
خلوا التبـاكي وعملـوا في وصـاتـه
لا تفْـرحـوا الاعـدا بـ بـلاد فـارس!
اللي تغنـوا واشمتـوا فـي وفــاتـه
نايف رحل والحزن بالصدر غارس
سمّ المفـارق.. نســأل الله ثباتـه
للشاعر: محسن الحمري
تبغـى تشوف شْعوب عاشت ب انسان
ولـحـظـة وداعـه بـس تـهـلّ الـذرايـف
هـذا غــلا أهـل الـمـكـارم و الاحــسـان
يـــوم اسمـعـو في مـوتـة الـحـرّ نـايـف
الشاعر: محمد بشير العنزي
مـا فجـع قلب السـعوديــه فجعنا
ليـن لحّـقنـا مـن الصـدمه كلايف
نعـرف إن الموت حـق ولا جزعنا
عظم الله أجركم فـي موت نايف
الشاعر: خالد المحسن
لا يــحزن العـربان مـوت الوليـده
قبله رسول الله ذا الدرب طايف
صـبرا جميل.. ونهـجنا ما نحيده
وان راح نايف.. عندنا ألف نايف
الشاعر: عبدالله خالد الخالدي
نايف توفى والخبر صار: عنوان
لـ أحزاننا والموت سوى جريمه!
استغفر الله قبلها راح سلطان
واليوم فـ آل سعود نفقد: صتيمه
الشاعر: عبدالرحمن مازن العطاوي
