يا خالد بن الوليد الوضع مـا هـو يلـيــق
اســولـفــك فيــه يــا جـدي ولكـن روى
قلبــي حكايــة عروبتـنـا وكانـك تطـيــق
تسمـع وصدري به امن الهم هم وجـوى
حال العـرب بعـد مـا كنـا نجـوم وبريـق
اليوم كنـه صخـر من رجـم عالـي هـوى
ما ادري ابتعدنا عن الدين الحنيف العميق
ولا طويـل النخـل ولا الرطـب مـا استـوى
داء النصيري تفشـا في عظـام الشقيـق
من يفزع لشعب(ن) أعزل كل حلمه دوى
فـي سـوريا ودهم الأحرار مثـل الرقيـق
وصـوت المدافـع على صـوت المنابر نوى
في سوريا ورد لكن جـف منــه الرحيـق
في سوريا يغتصب عرض العفيفة غوى
في سوريا ميت ومستضعف ومستضيـق
في سوريا شايب(ن) كم غار ما قد قوى
في سوريا يشعلون بقلــب الأم الحريــق
في سوريا طفل في زي الرضيع انشـوى
في سوريا دم يسفك كل لحظـة شهيــق
في سوريا عشرة بيـوت(ن) تهـدم سـوى
في سوريا ضايــع(ن) ومشرد بلا طريـق
في سوريا كاحـل الأمـجـاد شـفـه إلتـوى
في سوريا صــابرين وصـامـدين ويلـيـق
لهـم لبــاس الشهادة والشهادة هـوى
في سوريا يـحكمون أهل المكان اللفيـق
في سوريا ذيب صدري كل لحظـه عـوى
وش عذرنا في نهار(ن) جف به كل ريـق
وآظـن وجـه العروبة مـن خجلـنـا ذوى
قل للشعـارات لو تنفع م تنفــع غريـق
إمــا تشهـد شهـيــد(ن) أو بنسمــة هـوى
يا شـام عـذراً تســابتـنـا وبكـرة نفــيـق
ولا تـداعـى لك امـن اجـسـادنـا لـو نـوى
الصاحب اللي نحسبه عون ما هو صـديـق
كاذب وشفـتـه ورى جـدار النصوح إنـزوى
صرنا يا طـارق بقايا قوم ما ادري مضيـق
ومضيقك أوسع من عزوم العرب واحتـوى
كــل البطـولات وامجـاد الزمـان العريـق
واليـوم وقـت الـعرب كـل المـذلـة حـوى
ما عـاد فيـنـا عمر ما دام كسـرى طلـيـق
ومـا عـاد للــمـعتـصـم بتــار للــي كـوى
اللــي يفـرج يا شـام المرجلـة كل ضيـق
رب(ن) بعـث عبـده المؤمـن بوادي طوى
وشلون ابضحك ليامن صار جرحي عميق
وبسـوريا شـعـب مـن دمــه ثراه ارتوى
