قصيدة مرفوعة إلى صاحب السمو الملكي الأمير خليفة بن سلمان آل خليفة رئيس الوزراء بمناسبة العودة الميمونة لسموه الكريم

عاد للبحرين نور عيونها
توها فرحت بشوفة عونها
من سعادتها رأينا كل صوره
للأمير اللي يحامي دونها
للأمير اللي يعشق ترابها
عادته نسل الكرام يصونها
عودتك سالم وطيب ومتعافي
أبعدت عن كل نفس حزونها
عودتك يا راعي الوقفه خليفه
كالسحاب اللي تهل مزونها
يا حصان الحرب في يوم الحرايب
الأعادي منك زاد جنونها
عادتك تاطى على خشم المعادي
بالسيوف اللي قوي طعونها
يا خليفه سيد المجد ومقره
ما تزين الدار وانت بدونها
ما تزين إلا بوجود زحول وايل
الخليفه هم حمات ركونها
تحت راية حاكم البحرين وانعم
شوق عذرا ضافيات ردونها
ياخليفه بوعلي جزل العطايا
القصايد فيك زان لحونها
اقبله من شاعر سعودي يحبك
والمحبه بيننا ما اخونها
شاعر يعشق ثرى البحرين كله
له مشاعر فيك هاض شجونها
شوفكم بالعين لي عز ومكانه
يا أسود المملكه وحصونها
ربي احفظ دولة البحرين دايم
في ذرا القائد حمد مضنونها
شعر: ممدوح سماح الشمري