: ألو طائفية؟
: نعم من معاي؟
: نسيتيني؟ كلها تسع سنوات ما مداج تنسين صوتي؟
: أووووه من وين طالع، اختفيت كم سنة ما سمعنا صوتك أحين تذكرتني؟
: أحتاجك فوراً
: ها... أكيد في أحد تبي تلصقني فيه.. والله زمن.. من زمان ما لعبنا هاللعبة
: شسوي الكل نساني واختفيت عن الأنظار ورجعت الناس مثل م اكنت في الاصل تتوحد صف واحد، ومحد مفتكر فيني، والصراحة بدونج أنا ضايع، ما نفعني أحد كثرج أنا اعترف، تذكرين ذيك الايام كل محد رفع صوته إلا لصقتج فيه وسكته والتفتت الناس لي أنا اللاصق الشهير ههههه حاامي حمى الطائفة والشعب.
: اذكر وهل تنسى ذيك الايام؟ كنت فيها البطل المغوار على سن ورمح حامي حمى الوطنية.. بس الحين الامر صعب الناس فتحت عينها اكثر انفضحنا انا وياك من كثر ما استخدمتها الله يغربلك ما اعتقد تقدر هالمره تضحك عليهم مثل قبل
: لا تحاتين تعلمت الدرس استخدامج راح يكون مدروس هالمره
: والله اشك.. لاني اعرف مستوى ذكائك
: شوفي خلينا نحط قواعد اللعبة وانا سويت بحث ودراسه لنفسيات الناس واعتقد هالمره بننجح عطيني فرصة
: كل مره تقولي جذي وننفضح وتنكشف وتفشل خطتك، بس هات لنشوف على راي اللبنانيين شوهي الخطة الجهنمية اللي عندك؟
: شوفي يا محفوظة السلامة.. اولا الناس خايفه ومرتبكه واتدور على منقذين وهذي وقتي انا، ثانيا الناس ما تقرا الا العناوين وتركض فاحنا بنلعب على هالنقطة ناخذ راس السالفة ونكملها من عندنا ولا من شاف ولا من درى، وثالثا الواتس اب شغال على ودنه بينفعنا في ارسال رسايلنا، بنحط هالصورة على كلامنا احنا وعلى عناوينا احنا وبنرسل من تعتقدين بيروح يدور شنقال او وين الصج، ولين ارتبكت الناس اطلع انا واطق الصدر واقول اتبعوني انا اللي راح انقذكم من الطائفيين.
: بس انت ذيك السنة مصختها محد قال السلام عليكم الا لصقتني عليه وصحت طائفي.. ما الصق جذي يا الغبي لازم شي مقنع علشان اقدر الصق.
: لا تحاتين الناس وقت الخوف ما اتدقق
: انت اكيد حاسبها صح هالمره؟ مستعد لتحمل النتايج
: يعني شبيصير؟ بازيح عن طريجي بعض الناس الل مضايقني وجودهم وبرجع للساحه من جديد ومن بعدها بتشوفين بطلع طلعه فوق فوق.
: انت مدرك طبعا ان الارتباك واللخبطة بتزيد عند الناس لان بتنشغل في قصتين القصة الرئسية وقصتي فوقها، انت حاسب حسابك لحجم الخساير اللي بتصير في البلد؟ بدل ما الناس تركز على القصة الرئيسية وتركز في اتباع التعليمات اللي الدولة بتعلنها ممكن ترفض اتباع التعليمات لان شغلنا ماكينة الشك وماكينة القلق، وبدل ما تهدأ بتنفعل اكثر وبنضرب اسفين بينهم وهذي فيها ارواح
: اي طبعا عارف عيل متى اطلع الا في هالظروف، هذي وقتي
: وهالمره توعدني بتستخدم الكلمة في مكانها ما بتمصخها مثل ذيك المره؟
: شوفي راح نبتدي هالمره باي احد يذكر اسم ايران، من يلفظ اسم ايران على طول بلصقج فيه انت عاد ساعديني وبنصبر شوي وبنشوف ردة الفعل ان مرت بنمشي الثانية وحده وحده، اول ما نزيح واحد بنشتغل على الثاني.
: و اذا ردوا و قالوا احنا ما ذكرنا ولا يبنا اسم طائفة ولا ذكرنا شي يخص الطائفية اشلون بلصقك فيهم.
: اشعليج؟ من بيقرا اللي قالوه علشان يتاكد من بيسمعهم؟
: يعني انت معتمد على عنصر واحد بس ان الناس غبية ما تفهم ما تقرا ما تدري وين الله قاطها؟ هذي رايك باهل الديره باختصار؟ هذي هي خطتك؟
: وبتشوفين ان كلامي صح انا اذكى واحد فيهم
: والله يا خوفي ان نطيح على صخر و يطردونا مثل ما اطردونا قبل سنوات.. يا عمي الناس وعت وفهمت وتعرف تميز الناس ما بتسكت هالمره طيحتك بتصير جايده
: طيعيني كل شي مدروس وبتعاونا مع بعض انا الصق وانتي تشبثي فيه بننجح
: ما شي.. بس هالمره لا تنسى اني انا صاحبة الفضل مو تتبرا مني مثل ذيك المره
: افا عليج برفعج معاي
: صار مع السلامه
: بحفظ الله
انتهت المكالمة
الجزء الثاني من الحكاية بعد أسابيع وسنوافيكم بالتطورات والباب مفتوح لكم لوضع تصورات لنهايات متوقعة حسب فهمكم ووعيكم.. ودمتم.
: نعم من معاي؟
: نسيتيني؟ كلها تسع سنوات ما مداج تنسين صوتي؟
: أووووه من وين طالع، اختفيت كم سنة ما سمعنا صوتك أحين تذكرتني؟
: أحتاجك فوراً
: ها... أكيد في أحد تبي تلصقني فيه.. والله زمن.. من زمان ما لعبنا هاللعبة
: شسوي الكل نساني واختفيت عن الأنظار ورجعت الناس مثل م اكنت في الاصل تتوحد صف واحد، ومحد مفتكر فيني، والصراحة بدونج أنا ضايع، ما نفعني أحد كثرج أنا اعترف، تذكرين ذيك الايام كل محد رفع صوته إلا لصقتج فيه وسكته والتفتت الناس لي أنا اللاصق الشهير ههههه حاامي حمى الطائفة والشعب.
: اذكر وهل تنسى ذيك الايام؟ كنت فيها البطل المغوار على سن ورمح حامي حمى الوطنية.. بس الحين الامر صعب الناس فتحت عينها اكثر انفضحنا انا وياك من كثر ما استخدمتها الله يغربلك ما اعتقد تقدر هالمره تضحك عليهم مثل قبل
: لا تحاتين تعلمت الدرس استخدامج راح يكون مدروس هالمره
: والله اشك.. لاني اعرف مستوى ذكائك
: شوفي خلينا نحط قواعد اللعبة وانا سويت بحث ودراسه لنفسيات الناس واعتقد هالمره بننجح عطيني فرصة
: كل مره تقولي جذي وننفضح وتنكشف وتفشل خطتك، بس هات لنشوف على راي اللبنانيين شوهي الخطة الجهنمية اللي عندك؟
: شوفي يا محفوظة السلامة.. اولا الناس خايفه ومرتبكه واتدور على منقذين وهذي وقتي انا، ثانيا الناس ما تقرا الا العناوين وتركض فاحنا بنلعب على هالنقطة ناخذ راس السالفة ونكملها من عندنا ولا من شاف ولا من درى، وثالثا الواتس اب شغال على ودنه بينفعنا في ارسال رسايلنا، بنحط هالصورة على كلامنا احنا وعلى عناوينا احنا وبنرسل من تعتقدين بيروح يدور شنقال او وين الصج، ولين ارتبكت الناس اطلع انا واطق الصدر واقول اتبعوني انا اللي راح انقذكم من الطائفيين.
: بس انت ذيك السنة مصختها محد قال السلام عليكم الا لصقتني عليه وصحت طائفي.. ما الصق جذي يا الغبي لازم شي مقنع علشان اقدر الصق.
: لا تحاتين الناس وقت الخوف ما اتدقق
: انت اكيد حاسبها صح هالمره؟ مستعد لتحمل النتايج
: يعني شبيصير؟ بازيح عن طريجي بعض الناس الل مضايقني وجودهم وبرجع للساحه من جديد ومن بعدها بتشوفين بطلع طلعه فوق فوق.
: انت مدرك طبعا ان الارتباك واللخبطة بتزيد عند الناس لان بتنشغل في قصتين القصة الرئسية وقصتي فوقها، انت حاسب حسابك لحجم الخساير اللي بتصير في البلد؟ بدل ما الناس تركز على القصة الرئيسية وتركز في اتباع التعليمات اللي الدولة بتعلنها ممكن ترفض اتباع التعليمات لان شغلنا ماكينة الشك وماكينة القلق، وبدل ما تهدأ بتنفعل اكثر وبنضرب اسفين بينهم وهذي فيها ارواح
: اي طبعا عارف عيل متى اطلع الا في هالظروف، هذي وقتي
: وهالمره توعدني بتستخدم الكلمة في مكانها ما بتمصخها مثل ذيك المره؟
: شوفي راح نبتدي هالمره باي احد يذكر اسم ايران، من يلفظ اسم ايران على طول بلصقج فيه انت عاد ساعديني وبنصبر شوي وبنشوف ردة الفعل ان مرت بنمشي الثانية وحده وحده، اول ما نزيح واحد بنشتغل على الثاني.
: و اذا ردوا و قالوا احنا ما ذكرنا ولا يبنا اسم طائفة ولا ذكرنا شي يخص الطائفية اشلون بلصقك فيهم.
: اشعليج؟ من بيقرا اللي قالوه علشان يتاكد من بيسمعهم؟
: يعني انت معتمد على عنصر واحد بس ان الناس غبية ما تفهم ما تقرا ما تدري وين الله قاطها؟ هذي رايك باهل الديره باختصار؟ هذي هي خطتك؟
: وبتشوفين ان كلامي صح انا اذكى واحد فيهم
: والله يا خوفي ان نطيح على صخر و يطردونا مثل ما اطردونا قبل سنوات.. يا عمي الناس وعت وفهمت وتعرف تميز الناس ما بتسكت هالمره طيحتك بتصير جايده
: طيعيني كل شي مدروس وبتعاونا مع بعض انا الصق وانتي تشبثي فيه بننجح
: ما شي.. بس هالمره لا تنسى اني انا صاحبة الفضل مو تتبرا مني مثل ذيك المره
: افا عليج برفعج معاي
: صار مع السلامه
: بحفظ الله
انتهت المكالمة
الجزء الثاني من الحكاية بعد أسابيع وسنوافيكم بالتطورات والباب مفتوح لكم لوضع تصورات لنهايات متوقعة حسب فهمكم ووعيكم.. ودمتم.
