أحمد خالد

أثارت امرأة بإحدى الدول العربية استغراب رواد التواصل الاجتماعي بعد أن قامت بالانتقام من صاحب محل ألعاب بتحطيم ألعابه بعد أن باع لها لعبة تعرضت للكسر في اليوم الثاني.

وقالت المغردة فاطمة إسماعيل حول هذا الفيديو: "همجية المفروض تتعاقب وتغرم". فيما قالت المغردة أم يوسف: "تصرفها يدل أنها غير راقية وهمجية وهذا مو حل للمشكلة صج ". بينما قالت المغردة ليكس:" بدل كل ذا كان ردتها بكل احترام". بينما قال المغرد جابر الشوقيه: " فيه اسلوب لتعامل مع الناس وفيه نظام وزارة التجاره".



وقالت المغردة إيلينا: "الحمدلله والشكر بإمكانها ترجع لهم اللعبه ويستبدلونها، مو تدخل كيذا وتكسر الالعاب الثانيه، وبعدين أصحاب المحل ما لهم دخل انتي خذيتي اللعبه ما فيها شي جديده واخذتيها وهي تشتغل خلاص هم مالهم دخل وش يصير فيها بعدين وممكن خربة من طريقة استعمالك الشي الي يطلع من المحل انا مو مكفل فيه".

من جانبها، قالت المغردة منال العتيبي: "لو أنا من صاحب المحل أبلغ عليها وتتعاقب على تصرفها ترفع الضغط، اللعبة انكسرت من ثاني يوم سوء استخدام من أطفالك يعني ما فتحت الكرتون ولقتهم مكسرة وبعدين أغلب محلات الألعاب ما ترجع المبلغ إلا إذا قالوا ممكن تبدلين الألعاب". أما المغردة حلا فقالت: "قلة أدب وش هالتصرف المفروض تاخذ فلوسها وفي حالة إنهم رفضوا تطالب بلعبه بنفس القيمه بس اني ادخل واسوي هالحركات البايخه واصور وش بتستفيد.. ياشين اللي يستخف دمه".

وشاهد الفيديو على موقع التواصل الاجتماعي تويتر أكثر من 247 ألف شخص وأعاد تداوله 113 شخصا.