A
A
قصيدة أمجاد وحضارة
مرحبا بك يا الزبارة يا وعد طال انتظاره
بك نهنئ مملكتنا والملك عمار داره
هو ذرى الديرة وأهلها وانتي أمجاد وحضاره
تفرح البحرين بأسمك ياضوا الدرب ونهاره
يا الزبارة حلوٍ اسمك يا دوى القلب وعواره
لي ذكر كل حي دارة حِنْ تِذكرنا الزباره
فيك سطرنا الملاحم ومنك كانت خير غاره
غزوة البحرين منك وللفخر كنتِ مناره
فيك صارت معركتنا والعدو حصل دماره
عزنا الرحمن بأسمك مالك الكون ومداره
حين ثابونا الاصايل والردي ماطق طاره
يومها فيك انتصرنا ورد بن مذكور داره
وجت ثمار الفوز خضراء وقطف الفاتح ثماره
نصرنا نصر العروبة في ضحىٍ طول نهاره
والزبارة من بناها؟ محمد المنعوت كاره
ليتني بك عرج رملٍ أو رجم فوق الزبارة
لو غمام إيظل روضك لين يزهر في خضاره
صانها رب البرية من تكاليف المكاره
فوقها عيال أصايل حربهم عِلم ومهاره
هم عيال اللي حموها واصمدوا في كل غارة
والختم صلوا على اللي رجع الحق لمساره
قصيدة اللواء الركن الشيخ عبدالعزيز بن أحمد آل خليفة